അനുബന്ധ വാര്ത്തകള്
- ഖത്തര് ലോകകപ്പ്: ഇതുവരെ പ്രീ ക്വാര്ട്ടറിലെത്തിയ ടീമുകള് ഏതൊക്കെ?
- വരുമോ അര്ജന്റീന-ബ്രസീല് സെമി ഫൈനല് ! സാധ്യത തെളിയുന്നു; ഇങ്ങനെ സംഭവിച്ചാല് മതി
- 'കാര്യങ്ങള് അത്ര എളുപ്പമല്ല'; ക്വാര്ട്ടറിലെത്തിയാല് അര്ജന്റീനയുടെ എതിരാളികള് ആരെന്നോ?
- ഖത്തര് ലോകകപ്പ്: പ്രീ ക്വാര്ട്ടറില് അര്ജന്റീനയുടെ എതിരാളികള് ആരാണെന്ന് അറിയുമോ?
- പോളണ്ടിനെ പൊളിച്ചടുക്കി ! അര്ജന്റീന ലോകകപ്പ് പ്രീ ക്വാര്ട്ടറില്
'എനിക്ക് അരിശം വന്നു'; പെനാല്റ്റി നഷ്ടപ്പെടുത്തിയതിനെ കുറിച്ച് പ്രതികരിച്ച് മെസി
പോളണ്ടിനെതിരായ മത്സരത്തില് എതിരില്ലാത്ത രണ്ട് ഗോളിനാണ് അര്ജന്റീന ജയിച്ചത്
പോളണ്ടിനെതിരായ നിര്ണായക മത്സരത്തില് പെനാല്റ്റി നഷ്ടപ്പെടുത്തിയതിനെ കുറിച്ച് പ്രതികരിച്ച് അര്ജന്റീന നായകന് ലയണല് മെസി. ആ പെനാല്റ്റി നഷ്ടപ്പെടുത്തിയപ്പോള് തനിക്ക് വല്ലാത്ത അരിശം തോന്നിയെന്ന് മത്സരശേഷം മെസി പറഞ്ഞു. എന്നാല് തന്റെ ആ പിഴവിന് ശേഷമാണ് ടീം കൂടുതല് കരുത്തോടെ കളിച്ചതെന്നും മെസി പറഞ്ഞു. പോളണ്ടിനെതിരായ മത്സരത്തില് എതിരില്ലാത്ത രണ്ട് ഗോളിനാണ് അര്ജന്റീന ജയിച്ചത്.
' ആ പെനാല്റ്റി നഷ്ടപ്പെടുത്തിയപ്പോള് എനിക്ക് അരിശം തോന്നി. എന്നാല് ആ പിഴവിന് ശേഷം ടീം കൂടുതല് കരുത്തോടെ കളിച്ചു. ആദ്യ ഗോള് വീണാല് കളിയില് വലിയ മാറ്റം വരുമെന്ന് ഞങ്ങള്ക്ക് അറിയാമായിരുന്നു. മെക്സിക്കോയ്ക്കെതിരായ കളിയിലെ വിജയം ഞങ്ങള്ക്ക് വലിയ ആത്മവിശ്വാസം നല്കി. ഉറപ്പായും ജയിക്കണമെന്ന് മനസ്സില് വിചാരിച്ചാണ് ടീം ഇറങ്ങിയത്. ഓസ്ട്രേലിയയ്ക്കെതിരായ മത്സരം കടുപ്പമേറിയതാകുമെന്ന് അറിയാം. ആര്ക്കും ആരെയും തോല്പ്പിക്കാവുന്ന അവസ്ഥയാണ്. എപ്പോഴും ചെയ്യുന്നതുപോലെ ഓസ്ട്രേലിയയ്ക്കെതിരായ മത്സരത്തിനായി കൃത്യമായി ഒരുങ്ങണം. വരുന്ന മത്സരങ്ങളില് മുഴുവന് കളിയും പുറത്തെടുക്കാന് ശ്രമിക്കും,' മെസി പറഞ്ഞു.
