അനുബന്ധ വാര്ത്തകള്
- ISL 2023: ഐഎസ്എല് മലയാളം കമന്ററിയോടെ കാണാന് ഏഷ്യാനെറ്റ് വെച്ചിട്ട് കാര്യമില്ല ! ഇത്തവണ ഈ ചാനലില്
- ഐഎസ്എല് പത്താം സീസണ് ഇന്ന് തുടങ്ങും; കേരള ബ്ലാസ്റ്റേഴ്സിന്റെ കളി കാണാന് എന്ത് ചെയ്യണം?
- Lionel Messi: അടുത്ത ലോകകപ്പിലേക്കുള്ള യാത്ര വിജയത്തോടെ തുടങ്ങി അര്ജന്റീന, ഫ്രീ കിക്ക് ഗോളുമായി മെസി
- 2003ന് ശേഷം ആദ്യമായി റൊണാൾഡോ ഇല്ലാതെ ബാലൺ ഡി ഓർ പട്ടിക, മെസ്സിക്ക് വെല്ലുവിളിയായി ഹാലണ്ട്, വനിതകളിൽ ബൊൻമറ്റിക്ക് മുൻതൂക്കം
- ഖത്തർ ലോകകപ്പ് മെസ്സിക്ക് കിരീടം നൽകാൻ വേണ്ടി സംഘടിപ്പിച്ചത്, തുറന്നടിച്ച് ലൂയിസ് വാൻ ഗാൽ
Kerala Blasters: പക വീട്ടി ബ്ലാസ്റ്റേഴ്സ് തുടങ്ങി; അവസാനം വരെ ഈ ആവേശം കാണണമെന്ന് ആരാധകര്
കളി ആരംഭിച്ച ആദ്യ മിനിറ്റ് മുതല് മികച്ച പ്രകടനമാണ് കേരള ബ്ലാസ്റ്റേഴ്സ് നടത്തിയത്
Kerala Blasters: ഐഎസ്എല് പത്താം സീസണിന് വിജയത്തോടെ തുടക്കം കുറിച്ച് കേരള ബ്ലാസ്റ്റേഴ്സ്. കൊച്ചിയില് നടന്ന ആവേശ പോരാട്ടത്തില് ശക്തരായ ബെംഗളൂരു എഫ്സിയെ ഒന്നിനെതിരെ രണ്ട് ഗോളുകള്ക്കാണ് കേരള ബ്ലാസ്റ്റേഴ്സ് തോല്പ്പിച്ചത്. കഴിഞ്ഞ സീസണിലെ പ്ലേ ഓഫ് തോല്വിക്ക് ബെംഗളൂരുവിനോട് പകരംവീട്ടി ആരാധകരെ ആവേശത്തിലാക്കാന് ബ്ലാസ്റ്റേഴ്സിന് സാധിച്ചു.
കളി ആരംഭിച്ച ആദ്യ മിനിറ്റ് മുതല് മികച്ച പ്രകടനമാണ് കേരള ബ്ലാസ്റ്റേഴ്സ് നടത്തിയത്. എന്നാല് ആദ്യ പകുതി ഗോള്രഹിതമായി അവസാനിച്ചു. രണ്ടാം പകുതിയില് 52-ാം മിനിറ്റിലാണ് ബ്ലാസ്റ്റേഴ്സിന്റെ ആദ്യ ഗോള് പിറക്കുന്നത്. ബെംഗളൂരു താരം കെസിയ വീണ്ടോര്പ്പിന്റെ ഓണ് ഗോളാണ് കേരളത്തിനു ലീഡ് സമ്മാനിച്ചത്. 69-ാം മിനിറ്റില് ബെംഗളൂരു ഗോളിയുടെ പിഴവ് മുതലെടുത്ത് അഡ്രിയാന് ലൂണ കേരളത്തിനായി രണ്ടാം ഗോള് നേടി. കളി തീരാന് ഏതാനും മിനിറ്റുകള് മാത്രം ശേഷിക്കെ കര്ട്ടിസ് മെയിനിലൂടെ ബെംഗളൂരു ആശ്വാസ ഗോള് നേടി.
അതേസമയം ആദ്യ കളിയിലെ ഊര്ജ്ജം ഈ സീസണില് മുഴുവന് തുടരണമെന്നാണ് ആരാധകരുടെ അഭിപ്രായം. മുന് സീസണുകളില് മികച്ച തുടക്കം ലഭിച്ചിട്ടും അവസാനം അടിതെറ്റുന്ന ബ്ലാസ്റ്റേഴ്സ് ശൈലി ആരാധകരുടെ മനസിലുണ്ട്. ഇത്തവണ അത് ആവര്ത്തിക്കരുതെന്നാണ് ആരാധകര് ഒന്നടങ്കം ബ്ലാസ്റ്റേഴ്സ് താരങ്ങളോട് ആവശ്യപ്പെടുന്നത്.
