അനുബന്ധ വാര്ത്തകള്
- അസുരനിൽ ഞാൻ ഇങ്ങനെ, കഥാപാത്രത്തെ കുറിച്ച് മഞ്ജു വാര്യർ
- മികച്ച നടൻ ലാലേട്ടനെന്ന് മഞ്ജു വാര്യർ, നടി മഞ്ജുവെന്ന് മോഹൻലാൽ; പരസ്പരം പുകഴ്ത്തി താരങ്ങൾ !
- ജോസഫിനും പൊറിഞ്ചുവിനും ശേഷം ജോജുവിന്റെ പ്രതിഫലം കുത്തനെ കൂടിയോ? റോഷന് ആന്ഡ്രൂസ് ചിത്രത്തില് നിന്ന് ജോജു പുറത്തുപോയതിന് കാരണമെന്ത്?
- ജോജു ജോർജ് പിന്മാറി, മഞ്ജു വാര്യർക്ക് റോഷൻ ആൻഡ്രൂസ് നായകൻ?!
- റേഞ്ച്ച് റോവറിന്റെ ആഡംബര എസ്യുവി സ്വന്തമാക്കി മഞ്ജു വാര്യർ !
അസുരനും, ജല്ലിക്കട്ടും, വികൃതിയും- നാല് മലയാള സിനിമകൾ ഇന്ന് തിയറ്ററുകളിൽ
ലിജോ ഒരുക്കുന്ന ജല്ലിക്കട്ടിൽ ലിജോയുടെ അങ്കമാലി ഡയറീസ് എന്ന സിനിമയിലൂടെ ശ്രദ്ധേയനായ ആന്റണി വർഗീസ് ആണ് നായകൻ.
മഞ്ജു വാര്യരുടെ ആദ്യ തമിഴ് സിനിമ അസുരനൊപ്പം ഇന്ന് ലിജോ ജോസ് പെല്ലിശ്ശേരിയുടെ ജല്ലിക്കട്ട്, വെള്ളിമൂങ്ങ ടീമിന്റെ 'ആദ്യ രാത്രി', സൗബിൻ ഷാഹിർ കേന്ദ്ര കഥാപാത്രമായി, എംസി ജോസഫ് സംവിധാനം ചെയ്യുന്ന 'വികൃതി', വിനായകനെ നായകനാക്കി കമൽ സംവിധാനം ചെയ്യുന്ന 'പ്രണയമീനുകളുടെ കടലുകൾ' എന്നീ മലയാള സിനിമകൾ തീയറ്ററുകളിലെത്തും. വെട്രിമാരൻ സംവിധാനം ചെയ്യുന്ന അസുരനിൽ ധനുഷിനൊപ്പമാണ് മഞ്ജു എത്തുന്നത്. ലിജോ ജോസ് പെല്ലിശ്ശേരിയുടെ ജല്ലിക്കട്ട് പ്രേക്ഷകർ ഏറ്റവും ആകാംഷയോടെ കാത്തിരിക്കുന്ന സിനിമയാണ്.
ലിജോ ഒരുക്കുന്ന ജല്ലിക്കട്ടിൽ ലിജോയുടെ അങ്കമാലി ഡയറീസ് എന്ന സിനിമയിലൂടെ ശ്രദ്ധേയനായ ആന്റണി വർഗീസ് ആണ് നായകൻ. വെള്ളിമൂങ്ങക്ക് ശേഷം ബിജു മേനോനെ നായകനാത്തി ജിബു ജേക്കബ് സംവിധാനം ചെയ്യുന്ന സിനിമയാണ് ആദ്യരാത്രി. വികൃതിയില് സൗബിനൊപ്പം സുരാജ് വെഞ്ഞാറമ്മൂടും പ്രധാന കഥാപാത്രത്തെ അവതരിപ്പിക്കുന്നു. സുരഭി ലക്ഷ്മി, സുധി കോപ്പ, ഇര്ഷാദ്, ബാലു വര്ഗീസ്, ബാബുരാജ്,, ബാബുരാജ്, ജാഫര് ഇടുക്കി, സുധീര് കരമന തുടങ്ങിയവരെല്ലാം അഭിനയിച്ചിരിക്കുന്നു. ആമിക്ക് ശേഷം കമൽ സംവിധാനം ചെയ്യുന്ന പ്രണയമീനുകളുടെ കടലുകളിൽ വിനായകനും ദിലീഷ് പോത്തനുമാണ് പ്രധാന കഥാപാത്രങ്ങളാകുന്നത്.
