അനുബന്ധ വാര്ത്തകള്
- 'പോ... ചേട്ടാ... കളിയാക്കാതെ': നായകനാക്കാമെന്ന് പറഞ്ഞ സംവിധായകനോട് വിശ്വസിക്കാനാകാതെ ഫഹദ് ഫാസിൽ!
- കാരവാനിൽ ഇരിക്കുന്നത് കണ്ടിട്ടില്ല, ഷോട്ടായാൽ എവിടെന്നെങ്കിലും ഓടിവരും, ഇങ്ങനൊരു ആർട്ടിസ്റ്റിനെ കണ്ടിട്ടില്ല, ഫഹദിനെ വാതോരാതെ പുകഴ്ത്തി തലൈവർ
- മഞ്ജു വാര്യരുടെ പ്രതിഫലം കുത്തനെ ഇടിഞ്ഞു, നേട്ടമുണ്ടാക്കി ഫഹദ്, വേട്ടയ്യനിലെ താരങ്ങളുടെ പ്രതിഫലം അറിയാമോ?
- പുഷ്പയിലൂടെ തെലുങ്ക് ദേശത്തെ ഞെട്ടിച്ച ഫഹദ് ഇനി ബോളിവുഡിലേക്ക്, ഇംതിയാസ് അലി ചിത്രത്തിൽ നായകൻ!
- ഫഹദ് ചിത്രം ഉടനെയില്ല, അടുത്ത സിനിമ പൃഥ്വിരാജിനൊപ്പം: വിപിൻ ദാസ്
'ഫഹദിന്റെ ഉള്ളിൽ ഒരു അപാര ഫിലിം മേക്കറുണ്ട്, സംവിധായകന്റെ കുപ്പായമണിയും'!
കയ്യെത്തും ദൂരത്ത് ആയിരുന്നു ഫഹദ് ഫാസിലിന്റെ ആദ്യ സിനിമ. ഫാസിലിന്റെ മകൻ ആയിട്ടും ആദ്യ ചിത്രം പരാജയമായത് ഫഹദിനെ ചില പാഠങ്ങൾ ഒക്കെ പഠിപ്പിച്ചു. സിനിമ പഠിക്കാൻ ഫഹദ് വിദേശത്ത് പോയി. വർഷങ്ങൾ കഴിഞ്ഞ് തിരിച്ചുവന്നു. ആ വരവ് വെറുതെയായില്ല. മലയാളം, തമിഴ്, തെലുങ്ക് ഭാഷകളിലായി ഫഹദ് അഭിനയിച്ച് വിസ്മയിപ്പിക്കുകയാണ്. ബോളിവുഡിലുമുണ്ട് ഫഹദിനെ ആരാധകർ.
രണ്ടാം വരവിൽ ചെയ്ത കഥാപാത്രങ്ങളെല്ലാം ഏറ്റവും മികച്ച രീതിയിലാണ് ഫഹദ് ചെയ്തത്. മലയാളത്തേക്കാൾ ഇപ്പോൾ അന്യഭാഷയിൽ തിരക്കുള്ള നടനാണ് ഫഹദ് ഫാസിൽ. ഇപ്പോഴിതാ, ഫഹദിനെ കുറിച്ച് സംസാരിക്കുകയാണ് നടനും സംവിധായകനുമായ വിനീത് കുമാർ. വിനീത് സംവിധാനം ചെയ്ത ആദ്യ ചിത്രമായ അയാൾ ഞാനല്ല എന്ന സിനിമയിൽ ഫഹദ് ആയിരുന്നു നായകൻ.
ഫഹദ് ഒരു നടൻ മാത്രമല്ല ഗംഭീര ഫിലിം മേക്കർ കൂടിയാണെന്ന് വിനീത് കുമാർ പറയുന്നു. ഫഹദിനെ കുറിച്ച് ആർക്കും അറിയാത്ത കാര്യമാണ് അതെന്നും തീർച്ചയായും ഫഹദ് ഭാവിയിൽ ഒരു സിനിമ സംവിധാനം ചെയ്യുമെന്നും വിനീത് കുമാർ പറഞ്ഞു. ബിഹൈൻഡ് വുഡ്സിനോട് സംസാരിക്കുകയായിരുന്നു താരം.
‘ഫഹദിനെ കുറിച്ച് നിങ്ങൾക്ക് ആർക്കും അറിയാത്ത ഒരു കാര്യമുണ്ട്. ഫഹദ് ഒരു ഉഗ്രൻ ഫിലിം മേക്കറാണ്. അത് എന്തായാലും ഭാവിയിൽ വരും. ഞാൻ കാണുന്ന അഭിമുഖങ്ങളിലെല്ലാം ഫഹദ് പറയാറുള്ളത് കാണുന്നുണ്ട്, ഫഹദ് ഒരു സിനിമ സംവിധാനം ചെയ്യില്ലെന്ന്. പക്ഷെ ഞാൻ വിശ്വസിക്കുന്നുണ്ട്. തീർച്ചയായും അവൻ ഒരു സിനിമ സംവിധാനം ചെയ്യും. ഇപ്പോൾ വേണമെന്നില്ല. കാരണം അവനിപ്പോൾ അഭിനയത്തിന്റെ തിരക്കിലാണ്. ഫഹദ് എന്ന നടന് ഇനിയും ഒരുപാട് ചെയ്യാനുണ്ട്. പക്ഷെ അത് കഴിയുമ്പോൾ ഫഹദ് എന്തായാലും ഒരു സിനിമ ചെയ്യും എന്നുറപ്പാണ്,’വിനീത് കുമാർ പറയുന്നു.
