അനുബന്ധ വാര്ത്തകള്
- ഇന്ന് ജന്മദിനം ആഘോഷിക്കുന്ന മനോജ് കെ.ജയന്റെ പ്രായം എത്ര?
- കല്പ്പനയോട് ഉര്വശി പിണങ്ങിയത് ഇക്കാരണത്താല്; ഡിവോഴ്സിന് ശേഷവും ഉര്വശിയുടെ കുടുംബം മനോജ് കെ.ജയനുമായി അടുപ്പം പുലര്ത്തി !
- പഴശ്ശിരാജയിലെ തലക്കല് ചന്തു മനോജ് കെ.ജയന് ആയിരുന്നില്ല; അത് മമ്മൂട്ടി തന്നെ ! പിന്നീട് സംഭവിച്ചത് ഇങ്ങനെ
- ഉര്വശി മദ്യപാനത്തിനു അടിമയാണെന്ന് മനോജ് കെ.ജയന്; അന്ന് കോടതിയില് അരങ്ങേറിയത് നാടകീയ രംഗങ്ങള്, മകളെ വിട്ടുകൊടുത്തില്ല
- ഡിവോഴ്സിന് ശേഷവും വീട്ടുകാര്ക്ക് മനോജ് കെ.ജയനുമായി അടുത്ത ബന്ധം; ഉര്വശിക്ക് അത് സഹിച്ചില്ല, അന്ന് കല്പ്പനയുമായി പിണങ്ങി !
മനോജിനെ വിവാഹം കഴിച്ചത് ഞാന് വാശിപിടിച്ച്, വീട്ടുകാര്ക്ക് എതിര്പ്പുണ്ടായിരുന്നു; വിവാഹത്തിനു ശേഷമുള്ള ജീവിതത്തില് ദുഃഖങ്ങള് മാത്രമേ ഉള്ളൂവെന്നും താരം
മലയാളത്തില് വളരെ വ്യത്യസ്തമാര്ന്ന കഥാപാത്രങ്ങളിലൂടെ മികച്ച നായകനടിയായി അറിയപ്പെട്ടിരുന്ന താരമാണ് ഉര്വശി. സിനിമയില് തിളങ്ങി നില്ക്കുന്ന സമയത്തും ഉര്വശി വിവാദങ്ങളില് ഇടംപിടിച്ചിരുന്നു. നടന് മനോജ് കെ.ജയനായിരുന്നു ഉര്വശിയുടെ ആദ്യ ജീവിതപങ്കാളി. പിന്നീട് ഈ ബന്ധം നിയമപരമായി പിരിഞ്ഞു. വീട്ടുകാരുടെ എതിര്പ്പ് മറികടന്നാണ് അന്ന് മനോജിനെ വിവാഹം കഴിച്ചതെന്നും മകളുടെ കാര്യം ആലോചിക്കുമ്പോള് മാത്രമാണ് ഇപ്പോള് തനിക്ക് വിഷമമെന്നുമാണ് ഉര്വശി വര്ഷങ്ങള്ക്ക് മുന്പ് മനോരമ ന്യൂസിന് നല്കിയ അഭിമുഖത്തില് പറഞ്ഞത്.
'വിവാഹത്തിനു ശേഷമുള്ള എന്റെ ജീവിതത്തില് ദുഃഖങ്ങള് മാത്രമേ കൂടുതല് എനിക്ക് പറയാനുള്ളൂ. അത് അങ്ങനെ പറയുന്നതില് എനിക്ക് താല്പര്യമില്ല. പക്ഷേ, എന്റെ കുഞ്ഞിനെ കുറിച്ച് ഓര്ത്ത് മാത്രമേ ഇപ്പോ ഒരു വേദനയുള്ളൂ. ഈ പ്രശ്നങ്ങള് എന്റെ കയ്യില് ആയിരുന്നില്ല. ആദ്യ വിവാഹബന്ധത്തിലെ പ്രശ്നങ്ങള് പറഞ്ഞുതീര്ക്കാന് പറ്റാത്ത രീതിയിലേക്ക് പോയി. ഞാന് ഒരുപാട് ശ്രമിച്ചിരുന്നു,' ഉര്വശി പറഞ്ഞു.
വിവാഹമോചനത്തിനു ശേഷം തന്റെ വീട്ടുകാര് പോലും മനോജ് കെ.ജയനെ സപ്പോര്ട്ട് ചെയ്തത് വലിയ വേദനയുണ്ടാക്കിയോ എന്ന ചോദ്യത്തോടും ഉര്വശി പ്രതികരിച്ചു. വീട്ടുകാര് തെറ്റിദ്ധരിക്കപ്പെട്ടതാണ് എന്ന് ഉര്വശി പറഞ്ഞു. 'അവര് തെറ്റിദ്ധരിക്കപ്പെട്ടിരുന്നു. അവരുടെയൊന്നും ഇഷ്ടത്തിന് വില കല്പ്പിക്കാതെയാണ് ഞാന് ജീവിതം തിരഞ്ഞെടുത്തത്. അതാണ് ഏറ്റവും വലിയ പ്രശ്നം. അവരാരും ആ വിവാഹബന്ധത്തെ സപ്പോര്ട്ട് ചെയ്തിരുന്നില്ല. ഒരിക്കലും ഇത് ചെയ്യരുത് എന്ന് പറഞ്ഞവരാണ് എല്ലാ ബന്ധുക്കളും. അവരെ അറിയിക്കാതെ കൊണ്ടുപോകാനാണ് ഞാന് ആലോചിച്ചിരുന്നത്. പ്രശ്നങ്ങളെല്ലാം ശരിയാകുമെന്ന ധാരണയായിരുന്നു പിന്നെ അവര്ക്കൊക്കെ,' ഉര്വശി പഴയൊരു അഭിമുഖത്തില് പറഞ്ഞു.
