മണിച്ചിത്രത്താഴ് എന്ന സിനിമയുടെ തമിഴ് റീമേക്ക് ആയിരുന്നു ചന്ദ്രമുഖി.ചന്ദ്രമുഖിക്ക് രണ്ടാം ഭാഗം വരുന്നതാണ് വാർത്തകളിൽ വീണ്ടും നിറയുന്നത്.രാഘവ ലോറൻസ് നായകനായി എത്തുന്ന സിനിമയിൽ . നാഗവല്ലിയായി കങ്കണ റണൗട്ട് വേഷമിടുന്നു. തമിഴിൽ നാഗവല്ലി എന്നത് ചന്ദ്രമുഖിയായിരുന്നു. ആദ്യഭാഗത്തിൽ ജ്യോതികയാണ് ഈ കഥാപാത്രത്തെ അവതരിപ്പിച്ചത്. വേട്ടയ്യനായി രാഘവ ലോറൻസ് വേഷമിടുന്നു. ഇതാകട്ടെ രജനികാന്ത് ആയിരുന്നു ആദ്യ ഭാഗത്തിൽ ചെയ്തത്.
മണിച്ചിത്രത്താഴിയിലെ ശങ്കരൻ തമ്പിയുടെയും നാഗവല്ലിയുടെയും ജീവിതമാണ് ചന്ദ്രമുഖി 2 എന്ന സിനിമ പറയുന്നത്.ശങ്കരന്‍ തമ്പി എന്ന കഥാപാത്രമാണ് തമിഴിൽ വേട്ടയ്യൻ.
ആദ്യഭാഗം ഒരുക്കിയ പി വാസു തന്നെയാണ് ചന്ദ്രമുഖി 2 സംവിധാനം ചെയ്യുന്നത്. ഹൊറർ കോമഡി ത്രില്ലർ വിഭാഗത്തിൽ പെടുന്ന ചിത്രം നിർമ്മിക്കുന്നത് ലൈക പ്രൊഡക്‌ഷൻസ് ആണ്.
വടിവേലു, ലക്ഷ്മി മേനോന്‍, സൃഷ്ടി ഡാന്‍ഗെ, രാധിക ശരത്കുമാർ, മഹിമ നമ്പ്യാർ, രവി മരിയ തുടങ്ങിയ താരങ്ങൾ ചിത്രത്തിലുണ്ട്.
