അനുബന്ധ വാര്ത്തകള്
- മദ്യലഹരിയില് വിവാഹവേദിയില് നൃത്തം ചെയ്ത് വരന്; വിവാഹം വേണ്ടെന്ന് വധു; ഒടുവില് കുടുംബങ്ങള് തമ്മില് കയ്യാങ്കളി
- വിവാഹം മുടക്കാൻ കാമുകനൊപ്പമുള്ള ചിത്രങ്ങളും ദൃശ്യങ്ങളും പ്രതിശ്രുത വരന് അയച്ചുകൊടുത്തു; കല്യാണത്തലേന്ന് ട്വിസ്റ്റ്
- പ്രണയം വെളിപ്പെടുത്തി നിക്കി ഗിൽറാണി;വിവാഹം ഉടനെന്ന് താരം
- കല്യാണ ചെറുക്കന്റെ കൂട്ടുകാരുടെ വേലയൊന്നും ഇവിടെ നടക്കില്ല, പൂജാരി ആള് പുലിയാണ്; വൈറൽ വീഡിയോ
- നടന് ജഗതിയുടെ മകൾ വിവാഹിതയാകുന്നു; വാർത്ത പുറത്തുവിട്ട് താരപുത്രി
വിവാഹത്തിന് മുന്പ് പപ്പയെ കാണണം, പ്രണയം വീട്ടിൽ അറിഞ്ഞപ്പോൾ പൊട്ടിത്തെറി; ശ്രീലക്ഷ്മി പറയുന്നു
വനിതയ്ക്കു നല്കിയ അഭിമുഖത്തിലാണ് താരപുത്രിയുടെ വെളിപ്പെടുത്തല്.
ഹാസ്യസാമ്രാട്ട് ജഗതി ശ്രീകുമാറിന്റെ മകളും അവതാരകയുമായും ബിഗ് ബോസ് റിയാലിറ്റി ഷോയിലൂടെ പ്രേക്ഷകർക്ക് സുപരിചിതയുമായ ശ്രീലക്ഷ്മി ശ്രീകുമാർ വിവാഹിതയാകുന്നു.ബിഗ് ബോസില് നിന്നും പുറത്തായതിന് പിന്നാലെയായി വിദേശത്തേക്ക് പോവുകയായിരുന്നു ശ്രീലക്ഷ്മി. പ്രണയവിവാഹമാണ് തങ്ങളുടേതെന്നും താരപുത്രി പറഞ്ഞിരുന്നു. വനിതയ്ക്കു നല്കിയ അഭിമുഖത്തിലാണ് താരപുത്രിയുടെ വെളിപ്പെടുത്തല്.
കൊച്ചിയിലെ സേക്രഡ് ഹാര്ട്ട് കോളേജിലായിരുന്നു ശ്രീലക്ഷ്മി പഠിച്ചത്. ആ സമയത്താണ് സൗകര്യത്തിനായി കൊച്ചിയില് വീടെടുത്ത് താമസിച്ചത്. അയല്വട്ടത്തായിരുന്നു ജിജിനും കുടുംബവും. അമ്മമാരാണ് ആദ്യം സുഹൃത്തുക്കളായി മാറിയത്. അമ്മയില് നിന്നുമാണ് താന് ആദ്യമായി ശ്രീലക്ഷ്മിയെക്കുറിച്ച് കേട്ടതെന്ന് ജിജിന് പറയുന്നു. അതിന് ശേഷമാണ് പരിചയപ്പെട്ടത്. പെട്ടെന്ന് തന്നെ സുഹൃത്തുക്കളായി മാറുകയായിരുന്നു ഇരുവരും.
സൗഹൃദം പ്രണയത്തിലേക്ക് വഴിമാറുന്നതിനെക്കുറിച്ച് ശ്രീലക്ഷ്മി ആദ്യം തന്നെ മനസ്സിലാക്കിയിരുന്നു. ജിജിന് വിളിച്ച് ഒരു കാര്യം പറയാനുണ്ടെന്ന് പറഞ്ഞപ്പോഴേ ഇതായിരിക്കുമെന്ന് മനസ്സിലായിരുന്നു. ആദ്യമായി കേട്ടപ്പോള് പ്രത്യേകിച്ച് മറുപടിയൊന്നും കൊടുത്തിരുന്നില്ല. ഇതോടെ ജിജിന് കൂടുതല് ടെന്ഷനാവുകയായിരുന്നു. ശ്രീയുമായുള്ള സൗഹൃദവും നഷ്ടമാവുമോയെന്ന ഭയമായിരുന്നു അലട്ടിയത്. പ്രണയത്തിലായി മാറിയതോടെ അത് രഹസ്യമായി സൂക്ഷിക്കുന്നത് വലിയ വെല്ലുവിളിയായി മാറുകയായിരുന്നു. 5 വര്ഷമാണ് പ്രണയം രഹസ്യമാക്കി കൊണ്ടുനടന്നത്.
പ്രണയത്തെക്കുറിച്ച് വീട്ടിലറിഞ്ഞപ്പോള് എതിര്പ്പുകളുണ്ടായിരുന്നു. പിന്നീട് ഇതിനെ പിന്തുണയ്ക്കുകയായിരുന്നു അവര്. ഇരുവീട്ടുകാരുടേയും സമ്മതത്തോടെയാണ് വിവാഹം നടത്തുന്നത്. വിവാഹത്തിന് മുന്പ് തനിക്ക് പപ്പയെ കാണണം. ആഗ്രഹിച്ചത് പോലെ നല്ലൊരു കുടുംബത്തിലേക്കാണ് പോവുന്നതെന്ന് പപ്പയെ അറിയിക്കണമെന്നുണ്ടെന്നും ശ്രീലക്ഷ്മി പറയുന്നു.
