അനുബന്ധ വാര്ത്തകള്
- സുശാന്തുമായി പ്രണയത്തിലായിരുന്നു, വിശ്വസ്തനല്ല എന്ന് ബോധ്യപ്പെട്ടതോടെ പിരിഞ്ഞു: സമ്മതിച്ച് സാറ അലി ഖാൻ
- ദീപികയുടെ ഫോൺ പിടിച്ചെടുത്തു, സുശാന്ത് മയക്കുമരുന്ന് ഉപയോഗിയ്ക്കുന്നത് കണ്ടിട്ടുണ്ടെന്ന് ശ്രദ്ധ കപൂർ
- സുശാന്തിന്റെ ഫാം ഹൗസിൽ സാറ അലി ഖാനും എത്തിയിരുന്നു എന്ന് വെളിപ്പെടുത്തൽ
- സാറ അലി ഖാൻ ഉൾപ്പടെയുള്ളവരുടെ പേര് റിയ ചക്രബർത്തി വെളിപ്പെടുത്തിയതായി എൻസിബി
- ഭീഷ്മവര്ധനായി മമ്മൂട്ടി, പുതിയ ചിത്രവും വൈറലാകുന്നു
'നിങ്ങള് എന്താണ് ഈ ചെയ്യുന്നത്'; മാസ്ക് ഊരിയ ആരാധകനെ പാഠം പഠിപ്പിച്ച് സാറ
മുഖത്തുനിന്ന് മാസ്ക് മാറ്റി സെല്ഫിയെടുക്കാന് ശ്രമിച്ച ആരാധകനോട് ക്ഷോഭിച്ച് ബോളിവുഡ് നടി സാറ അലി ഖാന്. മുംബൈ വിമാനത്താവളത്തില് വച്ചാണ് സംഭവം. അമ്മ അമൃത സിങ്, സഹോദരന് ഇബ്രാഹിം അലി ഖാന് എന്നിവരും സാറയ്ക്കൊപ്പം ഉണ്ടായിരുന്നു. ബുധനാഴ്ചയാണ് സംഭവം. ഇതിന്റെ വീഡിയോയാണ് ഇപ്പോള് സോഷ്യല് മീഡിയയില് ട്രെന്ഡിങ് ആയിരിക്കുന്നത്.
വിമാനത്താവളത്തില് വച്ച് സാറയ്ക്കൊപ്പം സെല്ഫിയെടുക്കാന് ഒരു ആരാധകന് എത്തി. തന്റെ മാസ്ക് മാറ്റി സാറയ്ക്കൊപ്പം സെല്ഫിയെടുക്കുകയായിരുന്നു ഇയാളുടെ ലക്ഷ്യം. ഇതിനായി ഇയാള് മാസ്ക് വലിച്ചൂരി. ഇത് സാറയെ ചൊടിപ്പിച്ചു. നിങ്ങള് എന്താണ് ഈ ചെയ്യുന്നത്? എന്ന് ദേഷ്യത്തോടെ ചോദിക്കുകയായിരുന്നു സാറ. മാസ്കിനു പുറമേ ഫെയ്സ് ഷീല്ഡ് കൂടി ധരിച്ചാണ് സാറ വിമാനത്താവളത്തില് എത്തിയത്. സാമൂഹിക അകലം പാലിക്കേണ്ട സമയത്താണോ ഇങ്ങനെ വിവേകശൂന്യമായി പെരുമാറുന്നതെന്ന് സാറ ആരാധകനോട് ചോദിക്കുന്നു. ആരാധകനോട് കൈ കൂപ്പിയാണ് താരം മാസ്ക് ധരിക്കാന് ആവശ്യപ്പെടുന്നത്.
പിന്നീട് താരം വാഹനത്തില് കയറുന്നു. കാറില് കയറിയ ശേഷം കൈകള് സാനിറ്റൈസര് ഉപയോഗിച്ച് അണുവിമുക്തമാക്കുന്നുണ്ട്. സഹോദരനും അമ്മയ്ക്കും സാനിറ്റൈസര് നല്കാനും താരം ശ്രദ്ധിക്കുന്നുണ്ട്.
