അനുബന്ധ വാര്ത്തകള്
- ബോക്സ് ഓഫീസിൽ അട്ടിമറി; മോഹൻലാൽ പുറത്ത്, മമ്മൂട്ടി നാലാം സ്ഥാനത്ത്, ഒന്നാമൻ ആര്?
- ബേസിലിലെ അഭിനേതാവിനെ ഇനി ഒടിടിയിൽ കാണാം, പൊന്മാൽ റിലീസ് തീയ്യതി, ഏത് പ്ലാറ്റ്ഫോമിൽ കാണാം?
- സ്കിബിഡികളെ ഇതാരാണെന്ന് അറിയാമോ? മരണമാസിന്റെ തകര്പ്പന് ഫസ്റ്റ്ലുക്ക് പുറത്ത് വിട്ട് ബേസില് ജോസഫ്
- കൂടെയുണ്ടാകുമെന്ന് ബേസില് തന്ന ഉറപ്പാണ് നിര്ണായകമായത്, കേരളത്തിന്റെ രഞ്ജി പ്രവേശനത്തില് മനസ്സ് തുറന്ന് സല്മാന് നിസാര്
- 'തൊപ്പി ഊരാൻ പറ്റില്ല, തലയിൽ ഒരു താജ്മഹൽ പണിത് വെച്ചേക്കുവാ'; ചിരിപ്പിച്ച് ബേസിലിന്റെ 'മരണമാസ്സ്' വീഡിയോ, പണി കൊടുത്ത് ടോവിനോ
തനി തങ്കം; തൊട്ടതെല്ലാം പൊന്നാക്കുന്ന ബേസിൽ, ഒടിടിയിലും ചർച്ചയായി 'പൊൻമാൻ'
തിയേറ്ററിൽ ഹിറ്റായ ചിത്രം ഇപ്പോൾ ജിയോഹോട്ട്സ്റ്റാറിലൂടെയാണ് സ്ട്രീം ചെയ്യുന്നത്.
ബേസിൽ ജോസഫിനെ നായകനാക്കി നവാഗതനായ ജ്യോതിഷ് ശങ്കർ സംവിധാനം ചെയ്ത ചിത്രമാണ് പൊന്മാൻ. തിയേറ്ററിൽ ഹിറ്റായ ചിത്രം ഇപ്പോൾ ജിയോഹോട്ട്സ്റ്റാറിലൂടെയാണ് സ്ട്രീം ചെയ്യുന്നത്. ആദ്യ ദിനം മുതൽ ഗംഭീര പ്രേക്ഷക പ്രതികരണമായിരുന്നു ചിത്രത്തിന് ലഭിച്ചത്. ഒ.ടി.ടിയിലും മികച്ച പ്രതികരണമാണ് ലഭിക്കുന്നത്.
തൊട്ടതെല്ലാം പൊന്നാക്കുന്ന നടനാണ് ബേസിൽ എന്നും നടന്റെ ഗംഭീര പ്രകടനമാണ് സിനിമയിലേത് എന്നുമാണ് പ്രേക്ഷക അഭിപ്രായങ്ങൾ. തനി തങ്കമാണ് പൊൻമാൻ എന്നും അഭിനേതാക്കൾ എല്ലാവരും മികച്ച പ്രകടനങ്ങൾ ആണ് നൽകിയതെന്നും കമന്റുകൾ ഉണ്ട്. വളരെ കോംപ്ലക്സ് ആയ കഥപറച്ചിലിനെ പ്രേക്ഷകരെ ആകർഷിക്കും വിധം അവതരിപ്പിച്ച സംവിധായകൻ ജ്യോതിഷ് ശങ്കറിനും അഭിനന്ദനങ്ങൾ ലഭിക്കുന്നുണ്ട്.
ജി ആർ ഇന്ദുഗോപൻ്റെ 'നാലഞ്ച് ചെറുപ്പക്കാർ' എന്ന നോവലിനെ ആസ്പദമാക്കിയാണ് ഒരുക്കിയിരിക്കുന്നത്. ജി ആർ ഇന്ദുഗോപൻ, ജസ്റ്റിൻ മാത്യു എന്നിവർ ചേർന്നാണ് ചിത്രത്തിന്റെ തിരക്കഥ രചിച്ചിരിക്കുന്നത്. കൊല്ലം ജില്ലയിലെ തീരദേശത്തിന്റെ പശ്ചാത്തലത്തിലാണ് ചിത്രത്തിന്റെ കഥ അവതരിപ്പിച്ചിരിക്കുന്നത്. ഒരു യഥാർത്ഥ സംഭവകഥയിൽ നിന്ന് പ്രചോദനമുൾക്കൊണ്ടാണ് ജി ആർ ഇന്ദുഗോപൻ ഈ കഥ രചിച്ചത്.
