അനുബന്ധ വാര്ത്തകള്
- മമ്മൂട്ടിക്ക് മമ്മൂട്ടിയുടെ പേര് ഇഷ്ടമല്ലായിരുന്നു !
- ആറാട്ടില് പൊടി പറക്കുന്ന ഇടി, മീശ പിരിച്ച് നെയ്യാറ്റിന്കര ഗോപന്, പോസ്റ്റര്
- നായകന്മാരായി പ്രണവും ദുല്ഖറും, മിന്നല് മുരളിക്ക് ശേഷം ബേസില് ജോസഫ്, അണിയറയില് പുത്തന് ചിത്രം ?
- ഞങ്ങളുടെയൊക്കെ മക്കളുടെ സിനിമ; 'ഹൃദയം' ആനന്ദിപ്പിക്കുമെന്ന് ഉറപ്പുനല്കി മോഹന്ലാല്
- വണ്ടികള്ക്ക് '369' എന്ന നമ്പര് സ്വന്തമാക്കുന്നത് ലക്ഷങ്ങള് മുടക്കി; മമ്മൂട്ടിയുടെ ഭാഗ്യനമ്പറിന് പിന്നില് ഒരു രഹസ്യമുണ്ട്
താരങ്ങള് ആകുന്നതിനു മുന്പേ ഞങ്ങള് സുഹൃത്തുക്കളാണ്, ഞങ്ങള്ക്കിടയില് മത്സരമുണ്ട്; മോഹന്ലാലിനെ കുറിച്ച് മമ്മൂട്ടി
മലയാള സിനിമയുടെ സ്വത്താണ് മമ്മൂട്ടിയും മോഹന്ലാലും. മറ്റ് ഇന്ഡസ്ട്രികളില് നിന്ന് വ്യത്യസ്തമായി ഒരേ ഇന്ഡസ്ട്രിയിലെ രണ്ട് സൂപ്പര്താരങ്ങള് തമ്മിലുള്ള അടുത്ത സൗഹൃദവും ഇവര്ക്കിടയില് കാണാം. ഇരുവരും ഒന്നിച്ച് അമ്പതിലേറെ സിനിമകളില് അഭിനയിച്ചിട്ടുണ്ട്. മമ്മൂട്ടിയെ കുറിച്ച് മോഹന്ലാലും മോഹന്ലാലിനെ കുറിച്ച് മമ്മൂട്ടിയും പലപ്പോഴും വാചാലരാകാറുണ്ട്. പഴയൊരു അഭിമുഖത്തില് മോഹന്ലാലുമായുള്ള സൗഹൃദത്തെ കുറിച്ച് മമ്മൂട്ടി പറഞ്ഞ വാക്കുകളാണ് ഇപ്പോള് സോഷ്യല് മീഡിയയില് പ്രചരിക്കുന്നത്.
' താരങ്ങള് ആകുന്നതിനു മുന്പേ ഞങ്ങള് തമ്മില് സൗഹൃദമുണ്ട്. ഞങ്ങള് ഒരേസമയത്ത് സിനിമയിലെത്തിയവരാണ്. ഒന്നിച്ച് വളര്ന്നവരാണ്. താരങ്ങള് ആയ ശേഷവും ആ സൗഹൃദത്തിനു കോട്ടമൊന്നും സംഭവിച്ചിട്ടില്ല. ആ സൗഹൃദം ഒരിക്കലും നഷ്ടപ്പെട്ടിട്ടില്ല. തീര്ച്ചയായും ഞങ്ങള് തമ്മില് മത്സരമുണ്ട്. അത് സിനിമയില് മാത്രമാണ്. ജീവിതത്തില് ഇല്ല,' മമ്മൂട്ടി പറഞ്ഞു.
