മോഹന്‍ലാലിന്റെ കരിയറിലെ മികച്ച ചിത്രങ്ങളിലൊന്നാണ് ദൃശ്യം. ഹിന്ദി, തമിഴ്, തെലുങ്ക്, കന്നഡ തുടങ്ങിയ ഭാഷകളിലേക്ക് റീമേക്ക് ചെയ്യപ്പെട്ട സിനിമയില്‍ ആദ്യം ജോര്‍ജ്ജുകുട്ടിയായി അഭിനയിക്കാന്‍ അവസരം ലഭിച്ചത് മമ്മൂട്ടിക്കായിരുന്നു.

2013 ലെ ബ്ലോക്ക്ബസ്റ്റര്‍ ചിത്രമായി മാറിയ ദൃശ്യത്തില്‍ അഭിനയിക്കാനായി മമ്മൂട്ടിയെ നിര്‍മ്മാതാക്കള്‍ സമീപിച്ചിരുന്നു. എന്നാല്‍ ഡേറ്റ് പ്രശ്‌നങ്ങളാല്‍ മമ്മൂട്ടി സിനിമയില്‍ നിന്ന് പിന്മാറുകയായിരുന്നു.

ദൃശ്യം 150 ദിവസം പിന്നിട്ടു തിയറ്ററില്‍ നിറഞ്ഞ് പ്രദര്‍ശിപ്പിച്ചു.4.60 കോടി രൂപ ബഡ്ജറ്റില്‍ ആണ് ഈ ചിത്രം നിര്‍മ്മിച്ചത്.

ജിത്തു ജോസഫ് സംവിധാനം ചെയ്ത ചിത്രത്തിന് രണ്ടാം ഭാഗം ഉണ്ടായി. ദൃശ്യം 2 തെലുങ്കിലേക്കും കന്നഡയിലേക്കും റീമേക്ക് ചെയ്തു. തെലുങ്ക് റീമേക്കും ജിത്തു ജോസഫ് തന്നെയാണ് സംവിധാനം ചെയ്തത്.