ടിനു പാപ്പച്ചന്‍ സംവിധാനം ചെയ്ത കുഞ്ചാക്കോ ബോബന്‍ ചിത്രം ചാവേര്‍ പ്രദര്‍ശനം തുടരുകയാണ്. ശക്തമായ ഡിഗ്രിഡിങ്ങുകള്‍ക്കിടയിലും കുടുംബ പ്രേക്ഷകരെ കൂടി ആകര്‍ഷിക്കാന്‍ സിനിമയ്ക്കായി. ഇത്തരത്തില്‍ ഡിഗ്രേഡ് ചെയ്യുന്നത് സിനിമയ്ക്ക് നല്ലതാണെന്ന് നടന്‍ പറയുന്നു.

'നല്ല റിപ്പോര്‍ട്ടുകളാണ് ലഭിക്കുന്നത്. ഫുള്‍ ഓണ്‍ ആക്ഷന്‍ പടം എന്നതിനെക്കാള്‍, ഇമോഷണല്‍ അറ്റാച്ച്‌മെന്റുള്ള സിനിമ ആയാണ് ചാവേറിനെ ആള്‍ക്കാര്‍ കാണുന്നത്. അതുകൊണ്ട് തന്നെ ഇപ്പോള്‍ കുടുംബ പ്രേക്ഷകര്‍ കയറി തുടങ്ങിയിട്ടുണ്ട്. അവരില്‍ നിന്നും നല്ല അഭിപ്രായങ്ങള്‍ കിട്ടുന്നുണ്ട്. ഡീഗ്രേഡ് ചെയ്യുന്നത് ഒരുരീതിയില്‍ നല്ലതാണ്. കാരണം അമിത പ്രതീക്ഷയില്ലാതെ ആള്‍ക്കാര്‍ വരും. അങ്ങനെ വരുന്നവര്‍ക്ക് സിനിമ ഇഷ്ട്ടമാവുന്നുണ്ട്. അതുകൊണ്ടാണ് നമ്മള്‍ ഇപ്പോള്‍ തിയറ്ററില്‍ വന്നിരിക്കുന്നത്. അതുകൊണ്ടാണ് നമ്മള്‍ ഇപ്പോള്‍ തിയറ്ററില്‍ വന്നിരിക്കുന്നത്. അല്ലെങ്കില്‍ ഒരിക്കലും ധൈര്യപൂര്‍വ്വം ഇങ്ങനെ, ഇതിലും വലിയ തൊലിക്കട്ടിയോടെ നമുക്ക് വരാന്‍ സാധിക്കില്ല. ഡീ?ഗ്രേഡിങ്ങിന് അപ്പുറമുള്ള പ്രേക്ഷകരെ നമുക്ക് ലഭിക്കുമെന്ന വിശ്വാസം ഉണ്ട്',-കുഞ്ചാക്കോ ബോബന്‍ പറഞ്ഞു.

സ്വാതന്ത്ര്യം അര്‍ധരാത്രിയില്‍, അജ?ഗജാന്തരം എന്നീ സൂപ്പര്‍ ഹിറ്റ് ചിത്രങ്ങള്‍ക്ക് ശേഷം ടിനു പാപ്പച്ചന്‍ സംവിധാനം ചെയ്യുന്ന മൂന്നാമത്തെ സിനിമ കൂടിയാണിത്.

നടനും സംവിധായകനുമായ ജോയ് മാത്യു തിരക്കഥ ഒരുക്കുന്നു. അരുണ്‍ നാരായണ്‍, വേണു കുന്നപ്പിള്ളി എന്നിവര്‍ ചേര്‍ന്നാണ് നിര്‍മ്മിക്കുന്നത്. ഛായാഗ്രഹണം: ജിന്റോ ജോര്‍ജ്ജ്, എഡിറ്റര്‍: നിഷാദ് യൂസഫ്, സംഗീതം: ജസ്റ്റിന്‍ വര്‍ഗീസ്.