അച്ചായൻ കഥാപാത്രങ്ങൾ ഏറ്റെടുത്താൽ പൊളിച്ചടുക്കുന്ന താരമാണ് മലയാളത്തിന്റെ മെഗാസ്‌റ്റാർ മമ്മൂട്ടി. അതിന് ഉദാഹരണങ്ങളും ഏറെയാണ്. സങ്കവും കോട്ടയം കുഞ്ഞച്ചനും പ്രേക്ഷകർ അത്ര പെട്ടെന്നൊന്നും മറക്കില്ല. തന്റേതായ അഭിനയ മികവുകൊണ്ട് അച്ചായൻ വേഷങ്ങളിൽ മമ്മൂട്ടി തിളങ്ങിയ ആദ്യ ചിത്രങ്ങളാണ് ഇത്.

ഇതിന് ശേഷമാണ് നസ്രാണിയും തോപ്പിൽ ജോപ്പനും എത്തിയത്. രഞ്ജിത്തിന്റെ തിരക്കഥയിൽ ജോഷി സംവിധാനം ചെയ്‌ത നസ്രാണി 2007 ഒക്‌ടോബർ 12നാണ് റിലീസ് ചെയ്‌തത്. ഡേവിഡ് ജോൺ കൊട്ടാരക്കൽ എന്ന കഥാപാത്രമായി മമ്മൂട്ടി പൊളിച്ചടുക്കിയ ചിത്രമായിരുന്നു അത്. വൻ പ്രതീക്ഷയോടെ എത്തിയ ചിത്രമാണെങ്കിലും ശരാശരി വിജയം മാത്രമാണ് ചിത്രം നേടിയത്.

എന്നാൽ ഹിറ്റ് ലിസ്‌റ്റിൽ ഇടം നേടിയ കോട്ടയം കുഞ്ഞച്ചൻ എന്ന ചിത്രത്തിന്റെ രണ്ടാം ഭാഗം വരികയാണ്. മിഥുൻ മാനുവേൽ തോമസ് സംവിധാനം ചെയ്യുന്ന ചിത്രത്തിൽ മമ്മൂട്ടിയുടെ അച്ചായൻ വേഷത്തിലെ നർമ്മ രസങ്ങൾ കുറച്ചുകൂടി രസകരമായിത്തന്നെ ഉണ്ടാകുമെന്നാണ് ലഭിക്കുന്ന സൂചനകൾ.