കെ ആര്‍ അനൂപ്|
Last Modified ശനി, 19 ഓഗസ്റ്റ് 2023 (15:21 IST)
രജനികാന്ത് നായകനായി എത്തിയ 'ജയിലര്‍' സിനിമയ്‌ക്കെതിരെ ഹൈക്കോടതിയില്‍ ഹര്‍ജി. സിനിമയ്ക്ക് സെന്‍സര്‍ ബോര്‍ഡ് നല്‍കിയ യു/എ സര്‍ട്ടിഫിക്കറ്റ് മാറ്റണം എന്നതാണ് ആവശ്യം. അമേരിക്കയിലും യുകെയിലും സിനിമയ്ക്ക് എ സര്‍ട്ടിഫിക്കറ്റാണ് ലഭിച്ചതെന്നും അഭിഭാഷകനായ എം എല്‍ രവി നല്‍കിയ ഹര്‍ജിയില്‍ പറയുന്നു.
ജയിലറില്‍ ഹിംസാത്മകമായ രംഗങ്ങള്‍ ഉണ്ടെന്നും അതിനാല്‍ യു/എ സര്‍ട്ടിഫിക്കേറ്റ് റദ്ദാക്കണം എന്നുമാണ് പരാതിക്കാരന്റെ ആവശ്യം. കോടതി തീരുമാനം എടുക്കുന്നത് വരെ ജയിലര്‍ സിനിമയുടെ പ്രദര്‍ശനം നിര്‍ത്തിവയ്ക്കണമെന്നും പരാതിക്കാരന്‍ ആവശ്യപ്പെടുന്നു.
അതേസമയം ജയിലര്‍ വിജയ കുതിപ്പ് തുടരുകയാണ്.
