തെന്നിന്ത്യൻ സിനിമയിലെ പ്രിയ താരങ്ങളാണ് നയൻതാര, സായ് പല്ലവി, അമലാപോൾ എന്നിവർ. ഈ താരങ്ങൾ വേണ്ടെന്നുവച്ച പല ചിത്രങ്ങളും
ഹിറ്റുകളായിട്ടുണ്ട്. സായ് പല്ലവി
'ഡിയർ കോമ്രേഡ്' എന്ന ചിത്രം വേണ്ടെന്നു വച്ചിരുന്നു. റിപ്പോർട്ടുകൾ പ്രകാരം വിജയ് ദേവരക്കൊണ്ടയുടെ നായികയായി സായിയെ ആയിരുന്നു ആദ്യം ക്ഷണിച്ചത്. ചുംബനരംഗം ഉള്ളതിനാൽ ഈ സിനിമ താരം നിരസിച്ചു. പിന്നീട് രശ്മിക മന്ദാനയാണ് ഈ വേഷത്തിലെത്തിയത്.

'മഹാനടി' എന്ന സിനിമയിലെ സാവിത്രി എന്ന കഥാപാത്രം അവതരിപ്പിക്കാൻ അമലപോളിനെ ക്ഷണിച്ചിരുന്നു. അന്ന് ചില വ്യക്തിപരമായ പ്രശ്നങ്ങളിലൂടെ കടന്നു പോകുകയായിരുന്നു, അതിനാൽ ഈ വേഷം ചെയ്യാൻ സാധിച്ചില്ലെന്ന് അമല പോൾ പറഞ്ഞിരുന്നു.

നയൻതാര ആകട്ടെ ചെന്നൈ എക്സ്പ്രസാണ് നിരസിച്ചത്. ഷാരൂഖ് ഖാന്റെ ചെന്നൈ എക്സ്പ്രസിനായി രോഹിത് ഷെട്ടി നയൻതാരയെ സമീപിച്ചിരുന്നു. എന്നാൽ ബോളിവുഡിൽ അരങ്ങേറ്റം കുറിക്കാൻ തയ്യാറാകാത്തതിനാൽ അവർ ഈ വാഗ്ദാനം നിരസിച്ചു.