1. വിനോദം
  2. സിനിമ
  3. കാര്യം നിസ്സാരം
  4. Baiju says that Empuran does not need promotion

എമ്പുരാന് പ്രൊമോഷന്റെ ആവശ്യമില്ലെന്ന് ബൈജു

baiju
മോഹന്‍ലാല്‍-പൃഥ്വിരാജ് കൂട്ടുകെട്ടിന്റെ എമ്പുരാനായുള്ള കാത്തിരിപ്പിലാണ് ആരാധകർ. ലൂസിഫറിന്റെ വിജയമാണ് രണ്ടാം ഭാഗത്തിനായുള്ള കാത്തിരിപ്പിന് കാരണം. എമ്പുരാന്റെ ഷൂട്ടിംഗ് അവസാനഘട്ടത്തിലാണ്. സിനിമയെക്കുറിച്ച് നടന്‍ ബൈജു സന്തോഷ് പറഞ്ഞ വാക്കുകള്‍ ഇപ്പോള്‍ സോഷ്യല്‍ മീഡിയയില്‍ ശ്രദ്ധ നേടിയിരിക്കുകയാണ്. എമ്പുരാന് പ്രമോഷന്റെ ആവശ്യമില്ലെന്നാണ് ബൈജു പറയുന്നത്. സില്ലി മോങ്ക്‌സ് എന്ന യൂട്യൂബ് ചാനലിന് നല്‍കിയ അഭിമുഖത്തിൽ സംസാരിക്കുകയായിരുന്നു അദ്ദേഹം. 
 
സിനിമയിലെ തന്റെ ഭാഗങ്ങള്‍ പൂര്‍ത്തിയായതായും നടന്‍ വ്യക്തമാക്കി. ലൂസിഫര്‍ എന്ന സിനിമയ്ക്ക് ശേഷം തനിക്ക് നിരവധി സിനിമകള്‍ വന്നിരുന്നു എന്നും എന്നാല്‍ കൊവിഡ് വന്നത് മൂലം അതെല്ലാം നഷ്ടമായതായും നടന്‍ പറഞ്ഞു.
 
നടന്റെ വാക്കുകള്‍ സോഷ്യല്‍ മീഡിയയില്‍ വൈറലായിരിക്കുകയാണ്. സിനിമയുടെ മേലുള്ള അണിയറപ്രവര്‍ത്തകരുടെ ആത്മവിശ്വാസമാണ് ഇത് കാണിക്കുന്നത് എന്ന് പലരും അഭിപ്രായപ്പെട്ടു. മലയാള സിനിമയിലെ പല റെക്കോര്‍ഡുകളും ഈ ചിത്രം മറികടക്കുമെന്നാണ് പ്രേക്ഷകര്‍ പറയുന്നത്.
അടുത്ത ലേഖനം
'ഉറങ്ങാനും പഠിക്കാനും പറ്റുന്നില്ല'; 1.1 കോടി നഷ്ടപരിഹാരം വേണം - അമരനെതിരെ വിദ്യാർത്ഥിയുടെ വക്കീല്‍ നോട്ടീസ്