അശ്വിന്റെ 16 കൊല്ലത്തെ സ്വപ്നമാണ് 'എങ്കിലും ചന്ദ്രികേ' ഫെബ്രുവരി 17ന് തിയേറ്ററുകളില്‍ എത്തുമ്പോള്‍ യാഥാര്‍ത്ഥ്യമാകുന്നത്. മുഴുനീള കഥാപാത്രമായാണ് നടന്‍ എത്തുന്നത്. ഇപ്പോഴിതാ സിനിമയിലെത്തിയ തന്റെ അനുഭവം പങ്കുവയ്ക്കുകയാണ് അശ്വിന്‍

ഒരു സ്‌കിറ്റ് പൊളിഞ്ഞ വിഷമത്തില്‍ ഇരിക്കുമ്പോഴാണ് അശ്വിനെ തേടി ഒരു ഫോണ്‍കോള്‍ വരുന്നത്. പലരും മുമ്പ് വിളിച്ച് ചാന്‍സ് ഉണ്ടെന്ന് പറഞ്ഞ പറ്റിച്ചതിനാല്‍ ആ കോളിനെ കാര്യമായി എടുത്തില്ല. എന്നാല്‍ തന്നെ വിളിച്ച ആളുടെ പേര് ഗൂഗിളില്‍ സെര്‍ച്ച് ചെയ്തപ്പോഴാണ് മനസ്സിലായത്. ഉടനെ നേരിട്ട് കാണാനാണ് പിന്നെ വിളിച്ചപ്പോള്‍ മറുപടി ലഭിച്ചത്.

നിരഞ്ജന അനൂപ്, ബേസില്‍ ജോസഫ്, സുരാജ് വെഞ്ഞാറമൂട്, തന്‍വി റാം, അഭിറാം രാധാകൃഷ്ണന്‍ എന്നിവര്‍ പ്രധാന വേഷങ്ങളില്‍ എത്തുന്ന 'എങ്കിലും ചന്ദ്രികേ ...' ഫെബ്രുവരി 17ന് തിയേറ്ററുകളില്‍ എത്തും. ക്ലീന്‍ യു സര്‍ട്ടിഫിക്കറ്റ് ആണ് സിനിമയ്ക്ക് ലഭിച്ചിരിക്കുന്നത്.ഫ്രൈഡേ ഫിലിംസിന്റെ ബാനറില്‍ വിജയ് ബാബു ആണ് ചിത്രം നിര്‍മ്മിക്കുന്നത്. ഇവരുടെ പത്തൊമ്പതാമത്തെ സിനിമ കൂടിയാണിത്.