മോഹന്‍ലാലും സിദ്ധിഖും തമ്മിലുള്ള സൗഹൃദത്തിന് വര്‍ഷങ്ങളുടെ പഴക്കമുണ്ട്. രാവണപ്രഭുവില്‍ തുടങ്ങി ഇരുവരും ഒടുവില്‍ ഒന്നിച്ച് അഭിനയിച്ച നേര് വരെ എത്തി നില്‍ക്കുകയാണ് കൂട്ട്. സ്‌ക്രീനില്‍ എതിര്‍പക്ഷത്ത് നില്‍ക്കുമ്പോഴും ജീവിതത്തില്‍ അടുത്ത സൗഹൃദം കാത്തുസൂക്ഷിക്കുന്ന ആളുകളാണ് രണ്ടാളും. ഖല്‍ബ് എന്ന സിനിമയുടെ പ്രമോഷനിടെ സിദ്ദിഖ് മോഹന്‍ലാലിനെ കുറിച്ച് പറഞ്ഞ വാക്കുകളാണ് സോഷ്യല്‍ മീഡിയയില്‍ നിറയുന്നത്.

ഇത്തവണത്തെ പുതുവത്സര ദിനത്തില്‍ സിദ്ദിഖ് പങ്കുവെച്ചത് മോഹന്‍ലാല്‍ അയച്ചുകൊടുത്ത ചിത്രമായിരുന്നു. സിദ്ദിഖ് പോലും അറിയാതെ കാന്‍ഡിഡായി ലാല്‍ പകര്‍ത്തിയതാണ് അത്. സുഹൃത്തുക്കളോട് അത്രയധികം സ്‌നേഹം കാണിക്കുന്ന മനുഷ്യനാണ് മോഹന്‍ലാല്‍. മോഹന്‍ലാലിനെ കുറിച്ച് സിദ്ദിഖ് പറഞ്ഞത് ഇതാണ്.

'രാവണപ്രഭു തൊട്ട് തുടങ്ങിയതാണ് ഞങ്ങളുടെ കോംബോ. അതിനു മുന്‍പ് ഒന്നിച്ച് അഭിനയിച്ചിട്ടുണ്ടെങ്കില്‍ പോലും എല്ലാവരും ഇഷ്ടപ്പെടുന്ന കോംബിനേഷനാണ് അത്. പ്രത്യേകിച്ച് ഓപ്പോസിറ്റ് ആണെങ്കില്‍ പൊതുവേ ആളുകള്‍ക്ക് വലിയ സന്തോഷമാണ്. അത് സിനിമയില്‍ മാത്രമേ ഉളളൂ. ജീവിതത്തില്‍ അടുത്ത സുഹൃത്താണ്. മോതിരം വരെ ഊരിത്തരുന്ന ആളാണ്. അത് പ്രത്യേക സന്തോഷമാണ്.പുതുവത്സരത്തില്‍ ലാല്‍ എനിക്ക് അയച്ച ഫോട്ടോയാണ് ഞാന്‍ ഫെയ്‌സ്ബുക്കില്‍ പങ്കുവച്ചത്. അത് സിനിമയിലെ ഫോട്ടോ അല്ല. സെറ്റില്‍ ഞങ്ങള്‍ രണ്ടുപേരും സംസാരിച്ചു നിന്നപ്പോള്‍ അറിയാതെ എടുത്ത ഒരു കാന്‍ഡിഡ് ചിത്രമാണ്. ഇന്ന് ലാല്‍ എനിക്ക് അയച്ചു തന്നതാണ്. അതുകൊണ്ടാണ് ഞാന്‍ അത് അങ്ങനെ കൊടുത്തത്. അതിനും വലിയ സ്വീകരണം തന്നെയാണ് ലഭിച്ചത്. ഒരുപാട് സന്തോഷം'-സിദ്ദീഖ് പറഞ്ഞു

Sidhique