അനുബന്ധ വാര്ത്തകള്
- കെ-റെയിൽ സംസ്ഥാനത്തിന് ഒഴിച്ചുകൂട്ടാനാവാത്ത പദ്ധതി:എംപിമാർ ഇടപെടണമെന്ന് മുഖ്യമന്ത്രി
- ദുല്ഖര് മുതല് മോഹന്ലാല് വരെ; മരക്കാര് തിയറ്റര് റിലീസ് ആകാനുള്ള കാരണങ്ങള് ഇതെല്ലാം
- മരക്കാര് തിയറ്റര് റിലീസ്; ആന്റണി പെരുമ്പാവൂരിനെ അനുനയിപ്പിക്കാന് മുഖ്യമന്ത്രിയും ഇടപെട്ടു
- ദുല്ഖറിന്റെ കുറുപ്പിനൊപ്പം സൈജു കുറുപ്പിന്റെ നൂറാമത്തെ ചിത്രം ഉപചാരപൂര്വം ഗുണ്ടജയനും തിയറ്ററുകളില് !
- 'എണീക്ക് കണ്ണാ...' ആദ്യരാത്രി കഴിഞ്ഞ് റബേക്കയെ ഉറക്കത്തില് നിന്നു എഴുന്നേല്പ്പിക്കാന് പാടുപെടുന്ന ശ്രീജിത്ത്; വീഡിയോ വൈറല്
കോളിളക്കത്തിനു ശേഷം വിവാഹം കഴിക്കാന് ജയന് ആഗ്രഹിച്ചു, നടി ലതയുമായി പ്രണയത്തില്; പിന്നീട് കണ്ടത് ജീവനറ്റ ശരീരം
മലയാളികള് എക്കാലത്തും തികഞ്ഞ പുരുഷ സങ്കല്പ്പമായി അംഗീകരിക്കുന്ന നടനാണ് ജയന്. മരണശേഷവും ജയന് പ്രേക്ഷകരുടെ മനസില് ആക്ഷന് സൂപ്പര്സ്റ്റാര് ആണ്. കോളിളക്കം എന്ന സിനിമയില് അഭിനയിച്ചുകൊണ്ടിരിക്കുമ്പോള് ഉണ്ടായ അപകടത്തിലാണ് ജയന് മരിച്ചത്. ഹെലികോപ്റ്റര് സംഘട്ടന രംഗം ഡ്യൂപ്പില്ലാതെ ചെയ്യുകയായിരുന്നു ജയന്. അതിനിടയില് നിയന്ത്രണം വിട്ട് താഴെ വീണു. മലയാള സിനിമാ ലോകത്തെ ഞെട്ടിച്ച മരണ വാര്ത്തയായിരുന്നു അത്.
നടി ലതയുമായി ജയന് കടുത്ത പ്രണയത്തിലായിരുന്നു. ലതയെ വിവാഹം കഴിക്കാനും കുടുംബ ജീവിതം ആരംഭിക്കാനും ജയന് ആഗ്രഹിച്ചിരുന്നു. ലതയും ജയനും പ്രണയത്തിലാണെന്ന വാര്ത്ത അക്കാലത്ത് ഏറെ വിവാദമുണ്ടാക്കി. മദ്രാസില് നിന്ന് വലിയ എതിര്പ്പുണ്ടായിരുന്നു. പംഗ്രോവ് ഹോട്ടലില് വെച്ച് എം.ജി.ആറിന്റെ ആളുകള് ജയനെ ഭീഷണിപ്പെടുത്താന് നോക്കി. പക്ഷേ, അതൊന്നും ജയന് കാര്യമാക്കിയിരുന്നില്ല.
ഇത്രയും പ്രശ്നങ്ങള് ഉള്ളതിനാല് ലതയുമായുള്ള ബന്ധത്തില് നിന്ന് പിന്മാറണമെന്ന് ജയനോട് സ്റ്റണ്ട് മാസ്റ്റര് ത്യാഗരാജന് അന്ന് ആവശ്യപ്പെട്ടിരുന്നു. 'മോനേ ഈ ബന്ധം വേണ്ട, നിനക്ക് പിന്നെ മദ്രാസില് കാലുകുത്താനാകില്ല,' എന്നാണ് താന് ജയന് ഉപദേശം നല്കിയതെന്ന് ത്യാഗരാജന് പഴയൊരു അഭിമുഖത്തില് പറഞ്ഞിട്ടുണ്ട്. എന്നാല്, ജയന്റെ മറുപടി മറ്റൊന്നായിരുന്നു. 'പറ്റില്ല മാസ്റ്റര്, ഞാന് ലതയ്ക്ക് വാക്കുകൊടുത്തു. മാത്രമല്ല ഞാന് ഇനി മദ്രാസില് നില്ക്കുന്നില്ല. കേരളത്തില് താമസിക്കാനാണുദ്ദേശിക്കുന്നത്. അതിനുശേഷം ജയന് മദ്രാസിലെത്തിയിത് കോളിളക്കത്തിന്റെ ഷൂട്ടിംഗിനായിരുന്നു. അത് മദ്രാസിലേക്കുള്ള അവസാനത്തെ വരവായിരുന്നു. കേരളത്തിലേക്ക് തിരിച്ചുപോയത് ചേതനയറ്റ ജയന്റെ ശരീരവുമായിരുന്നു,'
