രണ്ടര വയസുകാരിയെ കൊന്ന് കണ്ണുകള്‍ ചൂഴ്‌ന്നെടുത്തു, കൈകള്‍ തല്ലിയൊടിച്ചു - രണ്ടു പേര്‍ കസ്‌റ്റഡിയില്‍!

 murder , police , eyes gouged , death , പൊലീസ് , പെണ്‍കുട്ടി , കൊലപാതകം
അലിഗഢ്| Last Modified വ്യാഴം, 6 ജൂണ്‍ 2019 (13:30 IST)
കുടുംബത്തോടുള്ള വൈരാഗ്യത്തിന്റെ പേരിൽ രണ്ടര വയസുകാരിയെ തട്ടിക്കൊണ്ടു പോയി കൊലപ്പെടുത്തിയ ശേഷം കണ്ണുകള്‍ ചൂഴ്‌ന്നെടുത്തു. ഉത്തര്‍പ്രദേശിലെ അലിഗഢിലാണ് സംഭവം. കൊലപാതകവുമായി ബന്ധപ്പെട്ട് രണ്ട് പേരെ പൊലീസ് കസ്‌റ്റഡിയിലെടുത്തു.

കുട്ടിയുടെ മാതാപിതാക്കൾ കഴിഞ്ഞ മാസം 31നാണ് കുട്ടിയെ കാണാനില്ലെന്ന് കാണിച്ച് പൊലീസിൽ പരാതി നൽകിയത്. ഇന്നലെയാണ് കുട്ടിയുടെ മൃതശരീരം തപ്പാൽ എന്ന സ്ഥലത്ത് നിന്ന് കണ്ടെത്തിയത്.

കുട്ടിയുടെ കണ്ണ് ചൂഴ്ന്നെടുത്ത നിലയിലായിരുന്നു. കൈകൾ ഒടിഞ്ഞ നിലയിലായിരുന്നു. അതേസമയം കുട്ടി ബലാത്സംഗത്തിനിരയായിട്ടില്ലെന്ന് അന്വേഷണ സംഘം വ്യക്തമാക്കി. കഴുത്ത് ഞെരിച്ചാണ് കുട്ടിയെ കൊലപ്പെടുത്തിയതെന്ന് പോസ്റ്റ്മോർട്ടം റിപ്പോർട്ടിൽ വ്യക്തമാക്കുന്നുണ്ട്.

പ്രതികളിലൊരാൾ അയൽവാസിയായ സാഹിദ് എന്നയാളാണ്. ഇയാളുമായി കുട്ടിയുടെ അങ്കിളിനും മുത്തശ്ശനും സാമ്പത്തിക ഇടപാട് ഉണ്ടായിരുന്നുവെന്നും ഇതിന്റെ വൈരാഗ്യത്തിലാണ് കുട്ടിയെ തട്ടികൊണ്ടുപോയി കൊലപ്പെടുത്തിയതെന്നുമാണ് കരുതപ്പെടുന്നതെന്ന് പൊലീസ് അറിയിച്ചു.


ഇതിനെക്കുറിച്ച് കൂടുതല്‍ വായിക്കുക :