വഴക്കിനെ തുടർന്നുണ്ടായ പക തീർക്കാൻ 60കാരനായ പിതാവ് സ്വന്തം മകനെ കോടാലികൊണ്ട് തലക്കടിച്ച് കൊലപ്പെടുത്തി. രാജസ്ഥാനിലെ ജലവാർ ജില്ലയിലെ ധട്ടൂരിയ കലൻ എന്ന് ഗ്രാമത്തിലാണ് സംഭവം ഉണ്ടായത്. 35കാരനായ മധുരലാൽ നായകിനെയാണ് പിതാവ് റാം സിംഗ് നായക് കൊലപ്പെടുത്തിയത്.

തിങ്കളാഴ്ച രാത്രിയോടെയായിരുന്നു സംഭവം. ഇരുവരും തമ്മിൽ ചില കാര്യങ്ങളിൽ അഭിപ്രായ വ്യത്യാസം ഉണ്ടയിരുന്നു. തിങ്കളാഴ്ച രാത്രി ഇതെ ചൊല്ലി അച്ഛനും മകനും വഴക്കിടുകയും ചെയ്തു. ഇതിനിടെ മകനോടുള്ള 'പക തീർക്കാൻ. റാം സിങ് നായക് പിറകിൽ നിന്നും കോടാലികൊണ്ട് മധുര ലാൽ നായകിന്റെ തലക്ക് അടിക്കുകയായിരുന്നു.

അടിക്കളയിൽ ഭക്ഷണം പാകം ചെയ്യുകയായിരുന്ന അമ്മ ശബ്ദം കേട്ട് ഓടിയെത്തിയപ്പോൾ കണ്ടത് തലക്കടിയേറ്റ് രക്തത്തിൽ കുളിച്ച് കിടക്കുന്ന മകനെയാണ് അധികം വൈകാതെ തന്നെ മധുര ലാൽ മരിച്ചു. മകനെ കോടാലികൊണ്ട്ൺറ്റ് ആക്രമിച്ച ഉടനെ തന്നെ പിതാവ് സംഭവ സ്ഥലത്തുനിന്നും രക്ഷപ്പെട്ടിരുന്നു. സംഭവത്തിൽ പൊലീസ് പ്രതിക്കെതിരെ കൊലപാതക കുറ്റം ചുമത്തി കേസ് രജിസ്റ്റർ ചെയ്തു. പ്രതിയെ ഇതേവരെ കണ്ടെത്താൻ പൊലീസിനായിട്ടില്ല.