ഹൈദരാബാദ്: 16കാരിയുടെ വസ്ത്രങ്ങൾ അഴിച്ച് ശരീര ഭാഗങ്ങൾ ബ്ലേഡ് ഉപയോഗിച്ച് കീറി മുറിച്ച് ദൃശ്യങ്ങൾ പകർത്തി യുവാവിന്റെ ക്രൂരത. ഹൈദെരാബാദിലെ ഗാന്ധി നഗറിൽ വ്യാഴ്ചയാണ് ഞെട്ടിക്കുന്ന സംഭവം അരങ്ങേറിയത്. മയക്കുമരുന്നിന് അടിമയായ യിവാവാണ് കൌമാരക്കാരിയെ ക്രൂരതക്ക് ഇരയാക്കിയത്.

പെൺകുട്ടി അലറി കരയുന്ന ശബ്ദം കേട്ട് ഓടിയെത്തിയ നാട്ടുകാരാണ് അക്രമിയായ യുവാവിൽ നിന്നും പെൺകുട്ടിയെ മോചിപ്പിച്ചത്. ക്രൂരത കണ്ട് ഞെട്ടിയ നാട്ടുകാർ യുവാവിനെ കൈകാര്യം ചെയ്തു ശേഷം പൊലീസിന് കൈമാറുകയായിരുന്നു.

പെൺകുട്ടിയെ ഉടൻ തന്നെ അടുത്തുള്ള ആശുപത്രിയിൽ പ്രവേശിപ്പിച്ചു. തട്ടിക്കൊണ്ടുപോകൻ, പീഡനം, പോക്സോ എന്നീ വകുപ്പുകൾ ചുമത്തി പ്രതിക്കെതിരെ പൊലീസ് കേസെടുത്തിട്ടുണ്ട്. സംഭവം നടന്ന പ്രദേശത്ത് യുവാക്കളിൽ മയക്കുമരുന്ന് ഉപയോഗം വ്യാപിച്ചുവരുന്നതായി നേരത്തെ തന്നെ റിപ്പോർട്ടുകൾ ഉണ്ടായിരുന്നു.