അനുബന്ധ വാര്ത്തകള്
- ഇന്ത്യയിൽ നിർമ്മിച്ച എഞ്ചിൻ രഹിത ഹൈസ്പീഡ് ‘ട്രെയിൻ 18‘ പരീക്ഷണ ഓട്ടത്തിനൊരുങ്ങുന്നു
- ‘ഇവള്ക്കു വേണ്ടിയാണ് ഞാന് ജീവിച്ചത്, നീയെടുത്ത എന്റെ കുഞ്ഞിന്റെ ജീവൻ തിരിച്ച് തന്നിട്ട് പോയാൽ മതി’- പൊന്നോമനയുടെ മരണത്തില് നെഞ്ച് തകര്ന്ന് അമ്മ
- പേ ടി എമ്മിന് കടുത്ത വെല്ലുവിളി; ഓൺലൈൻ പണമിടപാട് രംഗത്ത് ആധിപത്യം സ്ഥാപിക്കാൻ ജിയോ പെയ്മെന്റ് ബാങ്ക്
- സർക്കാർ സ്കൂളിലെ ഹോസ്റ്റലിൽ കുട്ടികൾ തമ്മിൽ കയ്യാംകളി: പത്താംക്ലാസുകാരൻ 9വയസുകാരനെ തലക്കടിച്ച് കൊലപ്പെടുത്തി
- തന്ത്രി പൂട്ടി താക്കോൽ കൊണ്ടു പോയാലും ക്ഷേത്രമവിടെത്തന്നെയുണ്ടാകും: ശാരദക്കുട്ടി
ഭാര്യയെ പെട്രോളൊഴിച്ച് കത്തിച്ച് ഭർത്താവിന്റെ ക്രൂരത ; യുവതി അതീവ ഗുരുതരാവസ്ഥയിൽ
മലപ്പുറം: കുടുംബ വഴക്കിനെ തുടര്ന്ന് ഭര്ത്താവ് ഭാര്യയുടെ ദേഹത്ത് പെട്രോളൊഴിച്ച് തീകൊളുത്തി. നിലമ്പൂര് പോത്തുകല്ലിലാണ് സംഭവം ഉണ്ടായത്. കവളപ്പറ കോളനിയിലെ ശങ്കരൻകുട്ടി ഭാര്യ സിന്ധുവിന്റെ ദേഹത്ത് പെട്രോളൊഴിച്ച് തീ കൊളുത്തുകയായിരുന്നു. 90 ശതമാനം പൊള്ളലേറ്റ സിന്ധു കോഴിക്കോട് മെഡിക്കൽ കോളേജിൽ അതീവ ഗുരുതരാവസ്ഥയിൽ ചികിത്സയിലാണ്.
ശങ്കരങ്കുട്ടി സ്ഥിരമായി ഭാര്യ സിന്ദുവുമായി വഴക്കിടാറുണ്ട്. ഇത്തരമൊരു വഴക്കാണ് കൊലപാതക ശ്രമത്തിലെത്തിയത്. സിന്ധുവിനെ വീടിനകത്താക്കി വാതിലടച്ച് ഇയാൾ പെട്രോളൊഴിച്ച് തീ കൊളുത്തുകയായിരുന്നു. പ്രാണരക്ഷാർത്ഥം പുറത്തേക്കോടിയ സിന്ധുവിനെ നാട്ടുകാരാണ് നിലമ്പുർ ആശുപത്രിയിലെത്തിച്ചത്. നില അതീവ ഗുരുതരമായതോടെ ഇവിടെ നിന്നും കോഴിക്കോട് മെഡിക്കൽ കോളേജിലേക്ക് മാറ്റുകയായിരുന്നു.
സംഭവത്തിൽ ശങ്കരൻകുട്ടിക്കെതിരെ പൊലീസ് വധശ്രമത്തിന് കേസെടുത്തു. കോഴിക്കോട് മജിസ്ട്രേറ്റ് ആശുപത്രിയിലെത്തി യുവതിയുടെ മൊഴി രേഖപ്പെടുത്തി. മുൻപും ശങ്കരന്കുട്ടി ഭാര്യയെ മണ്ണെണ്ണയൊഴിച്ച് കൊലപ്പെടുത്താൻ ശ്രമിച്ചിട്ടുള്ളതായി പോലിസ് പറഞ്ഞു.
