അനുബന്ധ വാര്ത്തകള്
- ലോകകപ്പില് ഇന്ത്യയെ തോല്പ്പിച്ചാല് എത്ര വേണേല് എഴുതിയെടുത്തോ; പാക്കിസ്ഥാന് ക്രിക്കറ്റ് ബോര്ഡിന് പാക് വ്യവസായിയുടെ ബ്ലാങ്ക് ചെക്ക്
- ടി 20 ലോകകപ്പിലും ഹാര്ദിക് പാണ്ഡ്യ ബോളെറിയില്ല!
- ഹാര്ദിക് പാണ്ഡ്യയെ ഒഴിവാക്കില്ല, ഇനിയും അവസരങ്ങള് നല്കും; മാച്ച് വിന്നിങ് ഇന്നിങ്സുകള് കളിക്കുമെന്ന് രവി ശാസ്ത്രി
- ഓപ്പണറെന്ന നിലയില് ആത്മവിശ്വാസം, ചലഞ്ച് ഏറ്റെടുക്കാന് തയ്യാര്; ടി 20 ലോകകപ്പില് രോഹിത്-കോലി ഓപ്പണിങ് സഖ്യത്തിനു സാധ്യത
- ടി 20 ലോകകപ്പ് സ്ക്വാഡില് മാറ്റം; നാല് പേര് പരിഗണനയില്, കൂട്ടത്തില് സഞ്ജുവും ! തീരുമാനം പത്തിനു മുന്പ്
വരുണ് ചക്രവര്ത്തി ടി 20 ലോകകപ്പ് സ്ക്വാഡില് നിന്ന് പുറത്തായേക്കും
ടി 20 ലോകകപ്പിനുള്ള ഇന്ത്യയുടെ 15 അംഗ സ്ക്വാഡില് നിന്ന് സ്പിന്നര് വരുണ് ചക്രവര്ത്തിയെ ഒഴിവാക്കുമെന്ന് റിപ്പോര്ട്ടുകള്. ഐപിഎല്ലിനിടെ താരത്തിനേറ്റ പരുക്കാണ് തിരിച്ചടിയായത്. വരുണ് ചക്രവര്ത്തിക്ക് പകരം മറ്റൊരു താരത്തെ സ്ക്വാഡില് ഉള്പ്പെടുത്തുന്ന കാര്യം ബിസിസിഐ ആലോചിക്കുന്നു. കാല്മുട്ടില് വരുണ് ചക്രവര്ത്തിക്ക് കലശലായ വേദനയുണ്ട്. വേദന കടിച്ചമര്ത്തിയാണ് ഐപിഎല്ലില് വരുണ് ഇപ്പോള് കളിക്കുന്നത്. ഫീല്ഡില് നില്ക്കുന്നതിനിടെ വരുണ് വേദനസംഹാരി കുത്തിവയ്ക്കുന്നതായും കൊല്ക്കത്ത നൈറ്റ് റൈഡേഴ്സുമായി അടുത്ത വൃത്തങ്ങള് റിപ്പോര്ട്ട് ചെയ്യുന്നു. ഡൈവ് ചെയ്യരുതെന്നും വശങ്ങളിലേക്ക് പെട്ടന്ന് മൂവ് ചെയ്യരുതെന്നും ഫിസിയോ നിര്ദേശം നല്കിയിട്ടുണ്ട്. വരുണ് ചക്രവര്ത്തിക്ക് വിശ്രമം അനുവദിക്കേണ്ട സാഹചര്യം വന്നാല് ടി 20 സ്ക്വാഡില് പകരം യുസ്വേന്ദ്ര ചഹല്, രവി ബിഷ്ണോയ്, ക്രുണാല് പാണ്ഡ്യ എന്നിവരില് ഒരു താരത്തെ ഉള്പ്പെടുത്താനാണ് ആലോചന. ഒക്ടോബര് പത്തിന് മുന്പ് ഇക്കാര്യത്തില് തീരുമാനമുണ്ടാകും.
