ദുബായ്: കൊവിഡ് വ്യാപനത്തെ തുടർന്ന് മാറ്റിവെച്ച ഈ വർഷത്തെ ഐപിഎൽ മത്സരങ്ങൾക്ക് വേദിയാവാൻ സന്നദ്ധതയറിയിച്ച് യുഎഇ. ഐപിഎൽ ഇന്ത്യയിൽ നടത്താൻ സാധിക്കില്ലെങ്കിൽ വേദിയൊരുക്കാന്‍ സന്നദ്ധമാണെന്ന് യുഎഇ ക്രിക്കറ്റ് ബോര്‍ഡ് ബിസിസിഐയെ ഔദ്യോഗികമായി അറിയിച്ചതായി ഗള്‍ഫ് റിപ്പോർട്ട് ചെയ്‌തു.

മുൻപ് പല അന്താരാഷ്ട്ര മത്സരങ്ങൾക്കും നിഷ്‌പക്ഷവേദിയായിട്ടുള്ള യുഎഇ ഐപിഎല്ലിനും വേദിയായിട്ടുണ്ടെന്നും ഇക്കാരണങ്ങള്‍ കൊണ്ടുതന്നെ ഐപിഎല്‍ വിജയകരമായി നടത്താനാവുമെന്നും യുഎഇ ക്രിക്കറ്റ് ബോര്‍ഡ് ബിസിസിഐയെ അറിയിച്ചിട്ടുണ്ട്. നേരത്തെ ഐപിഎൽ മത്സരങ്ങൾ നടത്താൻ സന്നദ്ധത അറിയിച്ചുകൊണ്ട് യുഎഇ ക്രിക്കറ്റ് ബോർഡും രംഗത്തെത്തിയിരുന്നു.