അനുബന്ധ വാര്ത്തകള്
- India vs England, 3rd T20 Live Updates: ഇന്ന് ജയിച്ചാല് ഇന്ത്യക്ക് പരമ്പര, നാണക്കേട് ഒഴിവാക്കാന് ഇംഗ്ലണ്ട്; സാധ്യത ഇലവന്
- ചാമ്പ്യൻസ് ട്രോഫി ടീമിൽ നിന്നും ഒഴിവാക്കപ്പെട്ടതിൽ നിരാശയില്ല, ഇന്ത്യയുടേത് മികച്ച ടീമെന്ന് സൂര്യകുമാർ യാദവ്
- 2024 Cricket Recap:വില്ലനിൽ നിന്നും ഹീറോയിലേക്ക് ഹാര്ദ്ദിക്, ലോകകപ്പ് നേട്ടം, ഇതിഹാസങ്ങളുടെ വിരമിക്കൽ, ഐപിഎല് മെഗാതാരലേലം, ഇന്ത്യന് ക്രിക്കറ്റ് ആരാധകര്ക്ക് മറക്കാനാവാത്ത 2024
- 2024 Cricket Recap: വില്ലനില് നിന്നും നായകനായി മാറിയ ഹാര്ദ്ദിക്, ലോകകപ്പ് നേട്ടം, സഞ്ജുവിന്റെ വരവ്, സ്വന്തം നാട്ടിലെ നാണക്കേട്, ഐപിഎല് മെഗാതാരലേലം, ഇന്ത്യന് ക്രിക്കറ്റ് ആരാധകര്ക്ക് മറക്കാനാവാത്ത
- ടി20 റാങ്കിംഗിൽ സൂര്യയെ കടത്തിവെട്ടി തിലക് വർമ, ടോപ് ടെന്നിലെത്താൻ സഞ്ജു ഇനിയും കാത്തിരിക്കണം
Suryakumar Yadav: 'ക്യാപ്റ്റന്സിയൊക്കെ കൊള്ളാം, പക്ഷേ കളി..!' സൂര്യകുമാറിന്റെ ഫോംഔട്ടില് ആരാധകര്
12, 0, 1, 4, 21 എന്നിങ്ങനെയാണ് സൂര്യയുടെ അവസാന അഞ്ച് ട്വന്റി 20 ഇന്നിങ്സുകള്
Suryakumar Yadav: ഇന്ത്യയുടെ ടി20 ക്യാപ്റ്റന് സൂര്യകുമാര് യാദവിന്റെ ഫോംഔട്ടില് ഇന്ത്യന് ആരാധകര്ക്ക് നിരാശ. ക്യാപ്റ്റന്സി ഏറ്റെടുത്ത ശേഷം സൂര്യയുടെ പെര്ഫോമന്സ് താഴേക്ക് പോകുകയാണെന്ന് ആരാധകര് പറയുന്നു. ഇംഗ്ലണ്ടിനെതിരായ ടി20 പരമ്പരയിലെ മൂന്നാം മത്സരത്തിനു ഇന്ത്യ ഇന്ന് ഇറങ്ങുമ്പോള് സൂര്യയുടെ ബാറ്റിലേക്ക് തന്നെയായിരിക്കും ആരാധകരുടെ ശ്രദ്ധ. ആദ്യ രണ്ട് മത്സരങ്ങളിലും സൂര്യ പൂര്ണ പരാജയമായിരുന്നു.
12, 0, 1, 4, 21 എന്നിങ്ങനെയാണ് സൂര്യയുടെ അവസാന അഞ്ച് ട്വന്റി 20 ഇന്നിങ്സുകള്. ഇംഗ്ലണ്ടിനെതിരായ ആദ്യ ടി20 യില് പൂജ്യത്തിനും രണ്ടാം മത്സരത്തില് 12 റണ്സിനും സൂര്യ പുറത്തായി. 2024 ലെ ട്വന്റി 20 ലോകകപ്പിനു ശേഷം 34 കാരനായ സൂര്യ 11 ടി20 ഇന്നിങ്സുകളില് നിന്ന് 22 ശരാശരിയില് വെറും 242 റണ്സാണ് നേടിയിരിക്കുന്നത്. ഇക്കാലയളവില് രണ്ട് കളികളില് മാത്രമാണ് അര്ധ സെഞ്ചുറി നേടിയത്. 2024 കലണ്ടര് വര്ഷത്തില് 26.81 ശരാശരിയില് 429 റണ്സാണ് താരത്തിനു നേടാന് സാധിച്ചത്. 2022, 23 വര്ഷങ്ങളുമായി താരതമ്യപ്പെടുത്തുമ്പോള് 2024 ലെ കണക്കുകള് സൂര്യയുടെ ഫോംഔട്ടിന്റെ തീവ്രത വ്യക്തമാക്കുന്നു.
2022 ല് 31 ഇന്നിങ്സുകളില് നിന്ന് 46.56 ശരാശരിയിലും 187.43 സ്ട്രൈക് റേറ്റിലും സൂര്യ അടിച്ചുകൂട്ടിയത് 1164 റണ്സ് ! 2023 ല് ആകട്ടെ 23 ഇന്നിങ്സുകളില് നിന്ന് 48.86 ശരാശരിയില് 733 റണ്സെടുത്തിട്ടുണ്ട്, 155.95 ആണ് സ്ട്രൈക് റേറ്റ്. ക്യാപ്റ്റന്സിയുടെ സമ്മര്ദ്ദമാണോ സൂര്യയുടെ ഫോംഔട്ടിനു കാരണമെന്നാണ് ആരാധകര് ചോദിക്കുന്നത്. അതേസമയം ഇന്ന് നടക്കുന്ന രാജ്കോട്ട് ട്വന്റി 20 യില് സൂര്യ ഗംഭീര ഇന്നിങ്സ് കളിക്കുമെന്ന പ്രതീക്ഷയും ആരാധകര്ക്കുണ്ട്.
