1. കായികം
  2. ക്രിക്കറ്റ്‌
  3. ക്രിക്കറ്റ്‌ വാര്‍ത്ത
  4. ICC T20 world ranking tilak varma moved to 3rd position sanju samson also make progress

ടി20 റാങ്കിംഗിൽ സൂര്യയെ കടത്തിവെട്ടി തിലക് വർമ, ടോപ് ടെന്നിലെത്താൻ സഞ്ജു ഇനിയും കാത്തിരിക്കണം

Sanju samson
ഐസിസി പുരുഷ ടി20 ബാറ്റര്‍മാരുടെ ഏറ്റവും പുതിയ റാങ്കിംഗില്‍ വന്‍ കുതിച്ചുചാട്ടം നടത്തി ഇന്ത്യയുടെ തിലക് വര്‍മ. 69 സ്ഥാനങ്ങള്‍ മെച്ചപ്പെടുത്തിയ തിലക് വര്‍മ നിലവില്‍ മൂന്നാം സ്ഥാനത്താണ്. ഇന്ത്യന്‍ സൂപ്പര്‍ താരം സൂര്യകുമാര്‍ യാദവിനെ നാലാം സ്ഥാനത്തേക്ക് പിന്തള്ളിയാണ് തിലകിന്റെ നേട്ടം. ഓസ്‌ട്രേലിയയുടെ ട്രാവിസ് ഹെഡ്, ഇംഗ്ലണ്ടിന്റെ ഫില്‍ സാള്‍ട്ട് എന്നിവരാണ് ലിസ്റ്റിലെ ആദ്യ 2 സ്ഥാനങ്ങളിലുള്ളത്.
 
 ഇതാദ്യമായാണ് തിലക് വര്‍മ ടി20 റാങ്കിംഗില്‍ ആദ്യ പത്തിലെത്തുന്നത്. ഈ മാസം ദക്ഷിണാഫ്രിക്കയ്‌ക്കെതിരായ ടി20 പരമ്പരയില്‍ തിലക് തുടര്‍ച്ചയായ 2 സെഞ്ചുറികളടക്കം നാല് മത്സരങ്ങളില്‍ നിന്നും 280 റണ്‍സാണ് അടിച്ചുകൂട്ടിയത്. പരമ്പരയില്‍ 2 സെഞ്ചുറികള്‍ സ്വന്തമാക്കിയെങ്കിലും അത്രയും തവണ പൂജ്യത്തിന് പുറത്തായതാണ് സഞ്ജു സാംസണിന് തിരിച്ചടിയായത്. 17 സ്ഥാനങ്ങള്‍ മെച്ചപ്പെടുത്തിയ സഞ്ജു റാങ്കിംഗില്‍ 22മത് സ്ഥാനത്താണ്. അവസാന അഞ്ച് ടി20 മത്സരങ്ങളില്‍ നിന്നും 3 സെഞ്ചുറികളാണ് സഞ്ജു നേടിയത്.
 
 ഇന്ത്യന്‍ താരം യശ്വസി ജയ്‌സ്വാള്‍ ലിസ്റ്റില്‍ എട്ടാം സ്ഥാനത്തും ഓപ്പണര്‍ റുതുരാജ് ഗെയ്ക്ക്വാദ് പതിനഞ്ചാം സ്ഥാനത്തുമാണ്. ഓള്‍ റൗണ്ടര്‍മാരില്‍ ഇന്ത്യയുടെ ഹാര്‍ദ്ദിക് പാണ്ഡ്യ ഒന്നാം സ്ഥാനത്താണ്. ബൗളര്‍മാരില്‍ ഇംഗ്ലണ്ടിന്റെ ആദില്‍ റഷീദാണ് ഒന്നാം സ്ഥാനത്തുള്ളത്. ഇന്ത്യയുടെ രവി ബിഷ്‌ണോയ് എട്ടാം സ്ഥാനത്തും അര്‍ഷദീപ് സിംഗ് ഒന്‍പതാം സ്ഥാനത്തുമാണ്.
അടുത്ത ലേഖനം
പ്രതിഫലമായിരിക്കും പന്ത് ഡല്‍ഹി വിടാന്‍ കാരണമെന്ന് ഗവാസ്‌കര്‍, പണമൊരു വിഷയമല്ലെന്ന് പന്തിന്റെ മറുപടി, പന്തിന്റെ പഴയ സോഷ്യല്‍മീഡിയ പോസ്റ്റുകള്‍ വെറുതെയല്ല