അനുബന്ധ വാര്ത്തകള്
- ടെസ്റ്റ് ക്രിക്കറ്റിന്റെ ഭാവി എന്താകുമോ എന്നതില് ആശങ്കയുണ്ട്: സ്റ്റീവ് സ്മിത്ത്
- മാലിദ്വീപില് അടിച്ചുപൊളിച്ച് റിങ്കു സിംഗ്, ഓയ് ഹീറോയെന്ന് ഗില്ലിന്റെ സഹോദരി
- ഏഷ്യാകപ്പ് ഹൈബ്രിഡ് മോഡലില് വേണ്ട, പാകിസ്ഥാന്റെ കാല് വാരി ശ്രീലങ്കയും അഫ്ഗാനും
- കടലാസിലെ ഏറ്റവും കരുത്തരായ ടീമുമായാണ് പോയത് എന്നിട്ടും, 2007ലെ ലോകകപ്പ് കരിയറിലെ വലിയ ദുഖമെന്ന് സെവാഗ്
- ലോക ടെസ്റ്റ് ചാമ്പ്യന്ഷിപ്പ് ഫൈനലില് ഇന്ത്യയെ എത്തിച്ചത് വാലറ്റത്തിന്റെ ബാറ്റിംഗ് പ്രകടനങ്ങള്, ഫൈനലിലും മികവ് ആവര്ത്തിക്കാനാവുമോ?
രോഹിത്തിന് പരിക്ക്, ലോക ടെസ്റ്റ് ചാമ്പ്യൻഷിപ്പിന് തൊട്ടുമുൻപ് ഇന്ത്യയ്ക്ക് തിരിച്ചടി, പരിശീലനം നിർത്തി മടങ്ങി
ലോക ടെസ്റ്റ് ചാമ്പ്യന്ഷിപ്പ് ഫൈനല് മത്സരത്തിനൊരുങ്ങുന്ന ഇന്ത്യന് ടീമിന് വലിയ തിരിച്ചടി. നെറ്റ്സില് പരിശീലിക്കുന്നതിനിടെ ഇന്ത്യന് നായകനായ രോഹിത് ശര്മയുടെ കൈവിരലില് പരിക്കേറ്റതായാണ് പുറത്തുവരുന്ന വിവരം. ഡോക്ടര്മാര് പരിശോധിച്ച ശേഷം രോഹിത് പരിശീലനത്തിന് ഇറങ്ങിയെങ്കിലും പരിശീലനം പൂര്ത്തിയാക്കാതെയാണ് മടങ്ങിയത്. ഇതോടെയാണ് താരത്തിന്റെ പരിക്ക് സംബന്ധിച്ച ആശങ്കകള് ഉയര്ന്നിരിക്കുന്നത്.
രോഹിത് ശര്മയുടെ ഇടത് കൈയിലെ വിരലിനാണ് പരിക്കേറ്റത്. വാത് കയ്യിലും പരുക്കുള്ള രോഹിത് ശര്മ ബാന്ഡേജ് ധരിച്ചാണ് പരിശീലനം നടത്തിയിരുന്നത്. നിര്ണായകമായ ഫൈനല് മത്സരത്തില് ശുഭ്മാന് ഗില്ലിനൊപ്പം ഇന്നിങ്ങ്സ് ഓപ്പണ് ചെയ്യേണ്ടത് രോഹിത്താണ്. അതേസമയം ഫൈനല് മത്സരത്തിലെ ഇന്ത്യന് പ്ലേയിങ് ഇലവ എന്താകണമെന്ന കാര്യം തീരുമാനിച്ചിട്ടില്ലെന്ന് രോഹിത് ശര്മ വാര്ത്താസമ്മേളനത്തില് പറഞ്ഞു. ഓവലിലെ പിച്ചും സാഹചര്യങ്ങളും മാറികൊണ്ടിരിക്കുകയാണ്. എല്ലാ താരങ്ങളും മത്സരത്തിനായി തയ്യാറായിരിക്കണം. ആരെല്ലാം കളിക്കുമെന്ന കാര്യം ബുധനാഴ്ചയാകും തീരുമാനിക്കുക. രോഹിത് വാര്ത്താസമ്മേളനത്തില് പറഞ്ഞു.
