അനുബന്ധ വാര്ത്തകള്
- കീപ്പറായി കെ എൽ രാഹുൽ മതി, സഞ്ജുവിന് പുറത്തേക്കുള്ള വഴി തുറന്നത് രോഹിത്തെന്ന് റിപ്പോർട്ട്
- ഏകദിന ലോകകപ്പ് പദ്ധതികളുടെ ഭാഗമല്ല സഞ്ജു ! മലയാളി താരത്തോട് അവഗണന തുടര്ന്ന് ബിസിസിഐ
- ടി20യിൽ സീനിയർ താരങ്ങളില്ല, തലമുറമാറ്റത്തിൻ്റെ സൂചന നൽകി ഇന്ത്യൻ ടീം പ്രഖ്യാപനം
- ടി20 ലോകകപ്പിൽ സഞ്ജുവിനെ പരിഗണിച്ചില്ല, ഏകദിന ലോകകപ്പ് അടുക്കവെ ഏകദിന ടീമിലും ഇടമില്ല, അനീതിയെന്ന് ആരാധകർ
- ടീമിലുണ്ടെങ്കിലും സഞ്ജുവിനെ കളിക്കാന് ഇറക്കില്ല; കാരണം ഇതാണ്
ഫിനിഷറല്ല, സഞ്ജുവിന് അതിനേക്കാൾ വലിയ റോൾ ഇന്ത്യയ്ക്കായി ചെയ്യാൻ പറ്റും: കുമാർ സങ്കക്കാര
ശ്രീലങ്കക്കെതിരെ ചൊവ്വാഴ്ച ആരംഭിക്കുന്ന ടി20 പരമ്പരയ്ക്കായുള്ള തയ്യാറെടുപ്പിലാണ് ടീം ഇന്ത്യ. ഹാർദ്ദിക് പാണ്ഡ്യയുടെ കീഴിൽ യുവനിരയുമായാണ് ഇന്ത്യ ഇറങ്ങുക. മലയാളി താരം സഞ്ജു സാംസണും ടി20 ടീമിൽ ഇടം നേടിയിട്ടുണ്ട്. ഇപ്പോഴിതാ ഇന്ത്യൻ ടീമിൽ ഏത് പൊസിഷനിലാണ് സഞ്ജു അനുയോജ്യനാവുക എന്ന് പറയുകയാണ് ശ്രീലങ്കയുടെ ഇതിഹാസതാരമായ കുമാർ സങ്കക്കാര.
ടി20 ക്രിക്കറ്റിൽ സഞ്ജുവിന് അനുയോജ്യം നാലാം നമ്പർ സ്ഥാനമാണെന്ന് കുമാർ സങ്കക്കാര പറയുന്നു. നാലാമൻ, അല്ലെങ്കിൽ ഏഴോവറുകൾ പൂർത്തിയായ ശേഷമാകണം സഞ്ജു ക്രീസിലെത്തേണ്ടത്. ഏത് പൊസിഷനിലും അദ്ദേഹത്തിന് ബാറ്റ് ചെയ്യാൻ കഴിയുമെന്നാണ് കരുതുന്നത്. കരുത്തും, ടച്ചും ഇതിനൊപ്പം മികച്ച മാനസികമായ ബലവും സഞ്ജുവിനുണ്ട്. വ്യത്യസ്തമായ സാഹചര്യങ്ങളിൽ എങ്ങനെ ബാറ്റ് ചെയ്യണമെന്ന് സഞ്ജുവിനറിയാം. അതിനാൽ ഏത് റോൾ ഏൽപ്പിച്ചാലും അത് ഭംഗിയായി ചെയ്യാൻ അദ്ദേഹത്തിനാകും. കുമാർ സങ്കക്കാര പറഞ്ഞു.
എന്നാൽ ഇന്ത്യയ്ക്ക് വേണ്ടി ടി20യിൽ നാലാം നമ്പറിൽ മോശം റെക്കോർഡാണ് സഞ്ജുവിനുള്ളത്. ഇതുവരെ കളിച്ച 15 ടി20 ഇന്നിങ്ങ്സുകളിൽ 7 തവണയും സഞ്ജു നാലാമനായാണ് ബാറ്റ് വീശിയത്. ഏഴ് ഇന്നിങ്ങ്സുകളിൽ നിന്ന് 15.5 ശരാശരിയിൽ വെറും 109 റൺസ് മാത്രമാണ് സഞ്ജുവിൻ്റെ പേരിലുള്ളത്. ഇതിൽ 39 റൺസാണ് താരത്തിൻ്റെ ഉയർന്ന സ്കോർ.
