അനുബന്ധ വാര്ത്തകള്
- ചെന്നൈ നായകനായി ഇരുനൂറാം മത്സരം, രാജസ്ഥാനെതിരെ ഇറങ്ങുമ്പോൾ ധോനിയെ തേടി അപൂർവ്വനേട്ടം
- മര്യാദയ്ക്ക് ടി20 കളിപ്പിച്ചവനെ ഓൾ ഫോർമാറ്റിലെത്തിച്ച് ഫോമൗട്ടാക്കുന്നത് എന്ത് ദ്രാവിഡാണ്
- റൺ എ ബോൾ മാത്രമെ പറ്റുന്നുള്ളു, എതിരാളികളെ വിറപ്പിച്ച വാറുണ്ണിയുടെ കരിയർ അവസാനത്തിലേക്കോ?
- മത്സരം ഫിനിഷ് ചെയ്യണമെന്നുണ്ടായിരുന്നു, ഈ സീസൺ എൻ്റേതാണെന്ന് വിശ്വസിക്കുന്നു: നിക്കോളാസ് പൂരൻ
- ഐപിഎല്ലിൽ ഇന്ന് അവസാനസ്ഥാനക്കാരുടെ പോരാട്ടം, ആദ്യ വിജയം തേടി ഡൽഹിയും മുംബൈയും
താനാണ് ടീമിനെ താങ്ങി നിർത്തുന്നതെന്നാണ് രാഹുലിൻ്റെ വിചാരം, അത് തെറ്റായ മനോഭാവം
റോയൽ ചലഞ്ചേഴ്സ് ബാംഗ്ലൂരിനെതിരെ വമ്പൻ വിജയം സ്വന്തമാക്കിയിട്ടും നായകൻ കെ എൽ രാഹുലിനെതിരെ രൂക്ഷവിമർശനം. മത്സരത്തിൽ 213 റൺസെന്ന വിജയലക്ഷ്യം മറികടക്കാൻ രാഹുലിനായെങ്കിലും താരത്തിൻ്റെ മെല്ലെപ്പോക്ക് കാരണമായിരുന്നു മത്സരം അവസാന ബോളിലേക്ക് നീങ്ങിയത്. 20 പന്തുകൾ നേരിട്ട താരം ആകെ 18 റൺസ് മാത്രമായിരുന്നു മത്സരത്തിൽ നേടിയത്.
ഇതോടെ രാഹുലിനെ വിമർശിച്ച് രംഗത്ത് വന്നിരിക്കുകയാണ് മുൻ ഇന്ത്യൻ ഓപ്പണറായ വസീം ജാഫർ. രാഹുലിൻ്റെ ഇന്നിങ്ങ്സ് കണ്ടിരിക്കുക എന്നത് സങ്കടകരമായ കാഴ്ചയായിരുന്നുവെന്ന് ജാഫർ പറയുന്നു. ടീം 213 റൺസ് ചെയ്സ് ചെയ്യുകയാണ് ആ സമയത്ത് രാഹുൽ ബാറ്റ് ചെയ്യുന്നത് കണ്ടപ്പോൾ എനിക്ക് അതിശയവും സങ്കടവും തോന്നി. ഓപ്പണറായി ഇറങ്ങുന്ന ഒരാൾ അപ്പോൾ അങ്ങനെയാണോ കളിക്കേണ്ടത്. രാഹുൽ താൻ ഔട്ടായാൽ പിന്നെയാരും റൺസ് സ്കോർ ചെയ്യാനില്ല എന്നാണ് കരുതുന്നത്. അത് തെറ്റാണ്. ഈ മനോഭാവം രാഹുൽ തീർച്ചയായും മാറ്റണം. വസീം ജാഫർ പറഞ്ഞു.
