അനുബന്ധ വാര്ത്തകള്
- രാജ്യത്ത് പ്രതിദിന കൊവിഡ് കേസുകള് നാലുലക്ഷത്തിനുമുകളില് തന്നെ; നാലായിരം കടന്ന് പ്രതിദിന മരണനിരക്ക്
- കോവിഡ് മുക്തരാകാന് ഗോമൂത്രം കുടിക്കൂ; ലൈവായി കുടിച്ചുകാണിച്ച് ബിജെപി എംഎല്എ, വീഡിയോ
- ലോക്ക്ഡൗണ് മേയ് 16 നു ശേഷവും തുടര്ന്നേക്കാം
- റേപ്പ് ജോക്ക്: ശ്രീജിത്ത് പണിക്കരെ ചാനല് ചര്ച്ചകളില് നിന്ന് ഒഴിവാക്കും
- വേള്ഡ് ടെലിവിഷന് പ്രീമിയര് റിലീസ് പ്രഖ്യാപിച്ച് ഓപ്പറേഷന് ജാവ,മെയ് 15ന് പ്രേക്ഷകരിലേക്ക് !
കൊവിഡിനെതിരെ പോരാടാന് കൊവിഡ് ബ്രിഗേഡില് പങ്കുചേരാം; രജിസ്ട്രേഷന് ഇങ്ങനെ
നമ്മുടെ ആരോഗ്യ സംവിധാനങ്ങള്ക്ക് താങ്ങാന് കഴിയാത്ത വിധം വൈറസ് വ്യാപനം ഉണ്ടായാല് മരണ നിരക്ക് കൂടുമെന്നാണ് ലോകത്തിന്റെ അനുഭവ പാഠം. വൈറസ് വ്യാപനം കുറച്ചു കൊണ്ടുവരുന്നതോടോപ്പം ആരോഗ്യ സംവിധാനങ്ങളും മനുഷ്യ വിഭവശേഷിയും വര്ധിപ്പിക്കേണ്ടതുണ്ട്. ഡോക്ടര്മാരുടെയും മറ്റ് ആരോഗ്യ പ്രവര്ത്തകരുടേയും സേവനം കൂടുതലായി ആവശ്യമുണ്ട്. ഈ സാഹചര്യത്തിലാണ് കോവിഡ് ബ്രിഗേഡ് എന്ന ആശയത്തിന് രൂപം നല്കിയത്. രണ്ടാം തരംഗത്തിനെ ഫലപ്രദമായി നേരിടാനാണ് കോവിഡ് ബ്രിഗേഡ് വീണ്ടും ശക്തിപ്പെടുത്തുന്നത്.
ആരോഗ്യ രംഗത്തും മറ്റു മേഖലയിലുമുള്ള സേവന സന്നദ്ധരായ ചെറുപ്പക്കാരാണ് കോവിഡ് ബ്രിഗേഡിലുള്ളത്. ഇതുവരെ 59,626 പേരാണ് കോവിഡ് ബ്രിഗേഡിന്റെ ഭാഗമായി മാറാന് രജിസ്റ്റര് ചെയ്തിട്ടുള്ളത്. മോഡേണ് മെഡിസിന്, ആയുര്വേദ, ഡെന്റല്, ഹോമിയോ ഡോക്ടര്മാര്, നഴ്സുമാര്, പാരാമെഡിക്കല് സ്റ്റാഫ്, എം.എസ്.ഡബ്ല്യു., എം.ബി.എ., എം.എസ്.സി., എം.എച്ച്.എ. ബിരുദധാരികള്, സന്നദ്ധ പ്രവര്ത്തകര് തുടങ്ങിയ എല്ലാവര്ക്കും കോവിഡ് ബ്രിഗേഡ് എന്ന ഈ സാമൂഹ്യ സേനയില് ചേരാവുന്നതാണ്. അതിതീവ്ര വ്യാപനം ഉണ്ടായ സാഹചര്യത്തില് ഇനിയും കൂടുതല് പേര് കോവിഡ് ബ്രിഗേഡില് അണിചേരേണ്ടതാണ്.
കോവിഡ് ബ്രിഗേഡില് ചേരാന് https://covid19jagratha.kerala.nic.in എന്ന പോര്ട്ടല് വഴി ഓണ്ലൈന് രജിസ്ട്രേഷന് നടത്തേണ്ടതാണ്.
