കൊവിഡിന്റെ രണ്ടാം തരംഗത്തില്‍ കേരളത്തില്‍ മരണപ്പെട്ട ഡോക്ടര്‍മാരുടെ കണക്ക് പുറത്തുവിട്ട് ഐഎംഎ. ഇന്ത്യന്‍ മെഡിക്കല്‍ അസോസിയേഷന്‍ ശനിയാഴ്ച പുറത്തുവിട്ട കണക്കുപ്രകാരം 24 ഡോക്ടര്‍മാരാണ് കേരളത്തില്‍ മാത്രം മരണപ്പെട്ടത്. ഒരാഴ്ചക്കിടെയാണ് 19 ഡോക്ടര്‍മാര്‍ മരണപ്പെട്ടത്. ജൂണ്‍ അഞ്ചുവരെ മാത്രം അഞ്ചുപേരാണ് മരിച്ചിട്ടുണ്ടായിരുന്നത്.

അതേസമയം കൊവിഡിന്റെ രണ്ടാം തരംഗത്തില്‍ ഏറ്റവും കൂടുതല്‍ ഡോക്ടര്‍മാര്‍ മരണപ്പെട്ടത് ബീഹാറിലാണ്. 111 പേരാണ് ഇവിടെ മരണപ്പെട്ടത്. അയല്‍ സംസ്ഥാനമായ തമിഴ്‌നാട്ടില്‍ 32 ഡോക്ടര്‍മാരാണ് മരണപ്പെട്ടത്.