അനുബന്ധ വാര്ത്തകള്
- രാജ്യത്തെ പുതിയ കൊവിഡ് രോഗികള് 40,134; ടിആര്പി 12.14; ആകെ മരണം 4.24 ലക്ഷം കഴിഞ്ഞു
- ഓസ്ട്രേലിയന് ഇതിഹാസ താരം ഷെയ്ന് വോണിന് കൊവിഡ്
- സംസ്ഥാനത്തെ കൊവിഡ് സാഹചര്യം: കേന്ദ്രസംഘം ഇന്ന് ആരോഗ്യവകുപ്പ് മന്ത്രിയുമായി കൂടിക്കാഴ്ച നടത്തും
- സംസ്ഥാനത്ത് ഇന്ന് 20,278 പേർക്ക് കൊവിഡ്, 56 മരണം, ടെസ്റ്റ് പോസിറ്റിവിറ്റി നിരക്ക് 12.14
- ആശങ്കയൊഴിയുന്നില്ല, രാജ്യത്ത് 24 മണിക്കൂറിൽ 41,831 പേർക്ക് കൊവിഡ്, പകുതി കേസുകളും കേരളത്തിൽ
ഇന്ത്യയിൽ കൊവിഡ് വാക്സിനേഷൻ പൂർത്തിയാക്കിയ ആദ്യ നഗരമായി ഭുവനേശ്വർ
രാജ്യത്ത് 100 ശതമാനം പേർക്കും വാക്സിനേഷൻ നൽകിയ ആദ്യ ഇന്ത്യൻ നഗരമായി ഭുവനേശ്വർ. ഭുവനേശ്വര് മുന്സിപ്പല് കോര്പ്പറേഷന് (ബി.എം.സി.) തെക്കു-കിഴക്കന് മേഖലാ സോണല് ഡെപ്യൂട്ടി കമ്മിഷണര് അന്ഷുമാന് രഥാണ് ഇക്കാര്യം ഔദ്യോഗികമായി പുറത്തുവിട്ടത്.
നിശ്ചിതസമയത്തിനുള്ളിൽ വാക്സിനേഷൻ പൂർത്തിയാക്കണമെന്ന് ഞങ്ങൾ തീരുമാനിച്ചിരുന്നു.18 വയസ്സിനുമുകളിലുള്ള ഒന്പതുലക്ഷം പേരാണ് ഭുവനേശ്വര് മുന്സിപ്പല് കോര്പ്പറേഷനിൽ ഉണ്ടായിരുന്നത്. ഇതിൽ 31,000 ആരോഗ്യപ്രവര്ത്തകരും 33,000 മുന്നിര പോരാളികളും ഉള്പ്പെടുന്നു. 18 വയസ്സിനും 44 വയസ്സിനുമിടയില് പ്രായമുള്ള 5,17000 പേരും 45 വയസ്സിനു മുകളില് പ്രായമുള്ള 3,25,000 പേരും ഉണ്ടായിരുന്നു. ജൂലായ് 31ന് ഉള്ളിൽ ഈ വിഭാഗത്തിൽ പെട്ട എല്ലാവർക്കും വാക്സിനേഷൻ നൽകാനാണ് പദ്ധതിയുണ്ടായിരുന്നത്. അൻഷുമാൻ പറഞ്ഞു.
ലഭ്യമായ കണക്കുകൾ പ്രകാരം നഗരത്തിലുള്ള 18,16000 പേര്ക്കാണ് വാക്സിന് നല്കിയത്. ഗര്ഭിണികളും തങ്ങളുടെ ആദ്യ ഡോസ് വാക്സിന് എടുത്തുകൊണ്ടിരിക്കുകയാണ്.മറ്റുസ്ഥലങ്ങളില്നിന്ന് ഭുവനേശ്വറില് ജോലിക്കായി എത്തിയവര്ക്കും നഗരസഭ വാക്സിൻ നൽകിയിട്ടുണ്ട്.
