കോടതി നിയമങ്ങൾ കാറ്റിൽ പറത്തി കേരള സ്റ്റോറി 2ൻ്റെ ബുക്കിങ് ആരംഭിച്ച് അണിയറ പ്രവർത്തകർ
പശ്ചിമ ബംഗാളിലെ തീയറ്ററിലാണ് ബുക്കിങ് ആരംഭിച്ചിരിക്കുന്നത്
Kerala Story 2
ഇന്നലെയായിരുന്നു സിംഗിൾ ബെഞ്ച് സിനിമയുടെ റിലീസ് സ്റ്റേ ചെയ്തത്. ചിത്രത്തിലെ പ്രമേയത്തിന് കേരളത്തിൻ്റെ പേര് നൽകിയത് ചോദ്യം ചെയ്ത് കൊണ്ട് സമർപ്പിച്ച ഹരജിയിലായരുന്നു നടപടി. ഹരജി പരിഗണിച്ച കോടതി ആദ്യം സിനിമ കാണാൻ താത്പര്യം പ്രകടിപ്പിച്ചിരുന്നു. തുടർന്ന് സെൻസർ ബോർഡ് വീണ്ടും സിനിമ കാണണമെന്നും കോടതി നിർദേശിച്ചു.
സിനിമയ്ക്ക് സെൻസർ ബോർഡ് അനുമതി നൽകിയതാണെന്നും അതുകൊണ്ട് കൂടുതൽ പരിശോധന ആവശ്യമില്ലെന്ന നിലപാടായിരുന്നു നിർമ്മാതാക്കളുടേത്. ടീസറിൽ കാണിച്ച രംഗങ്ങൾ സിനിമയിൽ ഇല്ലെന്നും ഇവർ പറഞ്ഞിരുന്നു. എന്നാൽ യഥാർത്ഥ സംഭവങ്ങളുടെ അടിസ്ഥാനത്തിലാണ് സിനിമ ഒരുക്കിയതെന്നാണ് നിർമ്മാതാക്കളുടെ അവകാശവാദമെന്ന കാര്യമാണ് ഹരജിക്കാരൻ ഉന്നയിച്ചത്. ഹരജിക്കാരൻ്റെ വാദം അംഗീകരിച്ച കോടതി രണ്ടാഴ്ചത്തേക്ക് റിലീസ് തടഞ്ഞുകൊണ്ട് ഉത്തരവിടുകയായിരുന്നു.
