അനുബന്ധ വാര്ത്തകള്
- Ayodhya Ram Temple: അയോധ്യയിൽ പൂജിച്ച അക്ഷതം ഏറ്റുവാങ്ങി മോഹൻലാൽ
- രാമക്ഷേത്ര പ്രതിഷ്ഠാ ചടങ്ങില് സോണിയ ഗാന്ധി പങ്കെടുത്തേക്കും
- രാമക്ഷേത്ര പ്രതിഷ്ഠ ചടങ്ങില് കോണ്ഗ്രസ് പങ്കെടുക്കരുതെന്ന് കെ.മുരളീധരന്
- രാമക്ഷേത്ര പ്രതിഷ്ഠാ ചടങ്ങിനുള്ള ക്ഷണം യെച്ചൂരി നിഷേധിച്ചു; റിപ്പോര്ട്ട്
- 'ഓരോ ദിവസം കഴിയുന്തോറും നിന്നെ കൂടുതൽ മിസ് ചെയ്യുന്നു'; മകളുടെ ജന്മദിനത്തിൽ കെ.എസ് ചിത്ര
Sooraj Santhosh: സൈബര് ആക്രമണം എല്ലാ പരിധികളും കടന്നു, ഞാന് തളരില്ല: സൂരജ് സന്തോഷ്
ചിത്രക്കെതിരായ വിമര്ശനങ്ങളില് നിന്ന് താന് പിന്നോട്ടു പോകില്ലെന്നും സൂരജ് പറഞ്ഞിരുന്നു
Sooraj Santhosh and KS Chithra
Sooraj Santhosh: അയോധ്യയിലെ രാമക്ഷേത്ര പ്രതിഷ്ഠ ചടങ്ങിനെ പിന്തുണച്ച ഗായിക കെ.എസ്.ചിത്രക്കെതിരെ വിമര്ശനം ഉന്നയിച്ചതിന്റെ പേരില് ഗായകന് സൂരജ് സന്തോഷിനെതിരെ സൈബര് ആക്രമണം. സംഘപരിവാര് പ്രൊഫൈലുകളില് നിന്നാണ് സൂരജിനെതിരെ കടുത്ത സൈബര് ആക്രമണം നടക്കുന്നത്. സൈബര് ആക്രമണങ്ങളെ നിയമപരമായി നേരിടുമെന്ന് സൂരജ് പറഞ്ഞു.
' കഴിഞ്ഞ രണ്ട് ദിവസമായി ഞാന് നിരന്തരം സൈബര് ആക്രമണങ്ങള്ക്ക് ഇരയാകുന്നു. ഞാന് ഇത്തരം ആക്രമണങ്ങള് നേരത്തെയും നേരിട്ടിട്ടുണ്ട്, എന്നാല് ഇത്തവണ അത് എല്ലാ പരിധികളും കടന്നു കൂടുതല് ദുഷിച്ചതും അധിക്ഷേപകരവുമായി മാറിയിരിക്കുന്നു. കുറ്റക്കാര്ക്കെതിരെ ഞാന് തീര്ച്ചയായും നിയമനടപടി സ്വീകരിക്കും. എന്നാല് എനിക്ക് പ്രതീക്ഷയും ധൈര്യവും നല്കുന്നത് ജനാധിപത്യത്തില് വിശ്വസിക്കുന്ന ആളുകള് നല്കുന്ന ശക്തമായ പിന്തുണയാണ്. നീതിക്ക് വേണ്ടി നിലകൊണ്ട നിങ്ങള് ഓരോരുത്തര്ക്കും എന്റെ ഹൃദയം നിറഞ്ഞ നന്ദി. തളരില്ല, തളര്ത്താന് പറ്റുകയും ഇല്ല' സൂരജ് സോഷ്യല് മീഡിയയില് കുറിച്ചു.
ചിത്രക്കെതിരായ വിമര്ശനങ്ങളില് നിന്ന് താന് പിന്നോട്ടു പോകില്ലെന്നും സൂരജ് പറഞ്ഞിരുന്നു. രാമക്ഷേത്രത്തെ പിന്തുണച്ച് ചിത്ര സംസാരിച്ചതു പോലെ ചിത്രയുടെ പരാമര്ശങ്ങളെ ജനാധിപത്യപരമായി താനും വിമര്ശിക്കുകയാണ് ചെയ്തതെന്നും സൂരജ് പറയുന്നു.
