സംവിധായകൻ ഷാഫി മോഹൻലാലിനെ നായകനാക്കി ഒരു സിനിമ ഒരുക്കുന്നു എന്ന വാർത്ത അടുത്തിടെ വലിയ തോതിൽ സോഷ്യൽ മീഡിയയിൽ ഹിറ്റായി ഓടിക്കൊണ്ടിരിക്കുന്ന വാർത്തയാണ്. വിഷ്ണു ഉണ്ണി കൃഷ്ണനും ബിപിന്‍ ജോര്‍ജും തിരക്കഥ എഴുതുന്ന ഷാഫി ചിത്രത്തിൽ മോഹൻ‌ലാൽ നായകനാകുന്നു എന്നായിരുന്നു വാർത്തകൾ. എന്നാലിപ്പോളിതാ ഈ പ്രചരിക്കുന്ന വാർത്തകൾ സത്യമല്ലെന്ന് വ്യക്തമാക്കി രംഗത്തെത്തിയിരിക്കുകയാണ് സംവിധായകൻ ഷാഫി.

മോഹൻലാലിനെ നായകനാക്കി ഒരു സിനിമ ചെയ്യണമെന്ന ആഗ്രഹം മനസ്സിലുണ്ട്. എന്നാൽ ഇന്നേരം വരെ അത്തരമൊരു ചിത്രത്തിനെ പറ്റിയുള്ള ചർച്ചകൾ മോഹൻലാലുമായി നടന്നിട്ടില്ല. ഇപ്പോൾ വാർത്തകളിൽ വരുന്ന ചിത്രത്തെ കുറിച്ച് അദ്ദേഹത്തിനറിയില്ല. സിനിമ സംഭവിക്കരുത് എന്ന് ആഗ്രഹിക്കുന്നവരാണ് ഇത്തരം വ്യാജ വാര്‍ത്തകള്‍ പടച്ചുവിടുന്നത്

നിലവില്‍ സുരാജ് വെഞ്ഞാറമൂട് നായകനായി എത്തുന്ന ദശമൂലം രാമു എന്ന സിനിമയുടെ ജോലികളിലാണ് സംവിധായകൻ ഷാഫി ഇപ്പോളുള്ളത്.