അനുബന്ധ വാര്ത്തകള്
- വാക്ക് പാലിച്ച് മമ്മൂട്ടി, ഒരു വര്ഷത്തിനുശേഷം പീലിക്കുട്ടി മെഗാസ്റ്റാറിനെ നേരില്കണ്ടു
- വീണ്ടും ചുള്ളനായി മമ്മൂട്ടി, പുതിയ ഫോട്ടോയും ഹിറ്റ്
- മീര ജാസ്മിന്റെ രണ്ടാംവരവ്, ആശംസകളുമായി സിനിമാലോകം
- മേക്കപ്പ് ആര്ട്ടിസ്റ്റായി തുടങ്ങിയ സിനിമ ജീവിതം, ഇന്ന് മമ്മൂട്ടി ചിത്രത്തിന്റെ നിര്മ്മാതാവ്
- മമ്മൂട്ടിയുടെ വണ്ടി തടഞ്ഞുനിര്ത്തി ജോജു ജോര്ജ്; ആദ്യ കൂടിക്കാഴ്ച മറക്കാതെ താരം
അങ്ങനെയൊരു തീരുമാനമെടുത്താല് പിന്നെ മമ്മൂട്ടി സമാധാനം തരില്ല, പാതിരാത്രിക്ക് വിളിച്ച് ബുദ്ധിമുട്ടിക്കും, ഉറങ്ങാന് സമ്മതിക്കില്ല: സത്യന് അന്തിക്കാട്
അഭിനയത്തോട് തനിക്ക് എപ്പോഴും ആര്ത്തിയാണെന്ന് മമ്മൂട്ടി പലതവണ തുറന്നുപറഞ്ഞിട്ടുണ്ട്. മമ്മൂട്ടിക്ക് അഭിനയത്തോടുള്ള താല്പര്യം എത്ര തീവ്രമാണെന്ന് വ്യക്തമാക്കുന്നതാണ് സംവിധായകന് സത്യന് അന്തിക്കാട് ഒരിക്കല് പറഞ്ഞിട്ടുള്ള കാര്യം. മമ്മൂട്ടിയെ നായകനാക്കി സിനിമ ചെയ്യാന് തീരുമാനിച്ചാല് അദ്ദേഹം പിന്നെ മനസമാധാനം നല്കില്ലെന്നാണ് സത്യന് അന്തിക്കാട് പറയുന്നത്.
'മമ്മൂട്ടിയെ നായകനാക്കി സിനിമ ചെയ്യാന് തീരുമാനിച്ചു കഴിഞ്ഞാല് പിന്നെ അദ്ദേഹം നമ്മുടെ മനസമാധാനം കളയും. അടുത്ത സിനിമയില് താങ്കളാണ് നായകന് എന്ന് ഏതെങ്കിലും സംവിധായകന് മമ്മൂട്ടിയോട് പറഞ്ഞുകഴിഞ്ഞാല് പിന്നെ മര്യാദയ്ക്ക് കിടന്നു ഉറങ്ങാന് പറ്റില്ല. പാതിരാത്രിക്കൊക്കെ എവിടെ നിന്നെങ്കിലും അദ്ദേഹം ഫോണ് വിളിക്കും. ആ കഥാപാത്രം അങ്ങനെ നടന്നാല് എങ്ങനെയിരിക്കും? കഥാപാത്രത്തിന്റെ കോസ്റ്റ്യൂം എങ്ങനെയായിരിക്കണം? ഇതൊക്കെ ചോദിച്ചായിരിക്കും വിളിക്കുക. ഒരു കഥാപാത്രത്തെ കുറിച്ച് പറഞ്ഞുകഴിഞ്ഞാല് അതിനെ പറ്റി തന്നെ ചിന്തിക്കുന്ന ആളാണ് മമ്മൂട്ടി,' സത്യന് അന്തിക്കാട് പറഞ്ഞു.
