യൂത്ത് കോണ്ഗ്രസിന്റെ പരാതിയില് നടന് ജോജുവിനെതിരെ കേസും 500 രൂപ പിഴയും
മാസ്ക് വയ്ക്കാതെ പൊതുസ്ഥലത്തിറങ്ങി കോവിഡ് മാനദണ്ഡം ലംഘിച്ചതിന്റെ പേരില് സിനിമാനടന് ജോജു ജോര്ജിനെതിരേ മരട് പൊലീസ് കേസെടുത്തു. 500 രൂപ പിഴയും ചുമത്തിയിട്ടുണ്ട്. നവംബര് ഒന്നിന് ഇന്ധന വിലവര്ധനയ്ക്കെതിരേ കോണ്ഗ്രസ് വൈറ്റിലയില് സംഘടിപ്പിച്ച വഴിതടയല് സമരത്തിനിടെ വാഹനത്തില്നിന്ന് വഴിയിലിറങ്ങി ജോജു ജോര്ജ് പ്രതിഷേധിച്ചിരുന്നു. ഈസമയത്ത് ജോജു മാസ്ക് വയ്ക്കാത്തത് ചൂണ്ടിക്കാണിച്ച് യൂത്ത് കോണ്ഗ്രസ് സംസ്ഥാന സെക്രട്ടറി പി.വൈ. ഷാജഹാന് മൂന്നാം തീയതിയാണ് പൊലീസില് പരാതി നല്കിയത്.
