കെ ആര്‍ അനൂപ്|
Last Modified വെള്ളി, 22 ഒക്ടോബര് 2021 (11:01 IST)
മകന്റെ ഒന്നാം പിറന്നാളിനായി കാത്തിരിക്കുകയായിരുന്നു നടി മേഘ്‌ന രാജ്.2020 ഒക്ടോബര് 22 നാണ് താരം ആണ്‍കുഞ്ഞിന് ജന്മം നല്‍കിയത്.ഭര്‍ത്താവ് ചിരഞ്ജീവി സര്‍ജയുടെ അപ്രതീക്ഷിത മരണത്തിന്റെ വേദനയില്‍ നിന്നും കരകയറിയത് മകന്റെ വരവോടെയായിരുന്നു.2020 ജൂണ്‍ ഏഴിനായിരുന്നു മേഘ്‌നയുടെ ഭര്‍ത്താവ് ചിരഞ്ജീവി വിടപറഞ്ഞത്.
'നമ്മുടെ കുട്ടി.... നമ്മുടെ ലോകം ... നമ്മുടെ പ്രപഞ്ചം ... എല്ലാം! ചിരു ... ഞങ്ങളുടെ രാജകുമാരന് ഒരു വര്‍ഷമായി! 'അമ്മ നിര്‍ത്തൂ!' എന്ന് പറയുന്നതുവരെ ഞാന്‍ അവനെ ചുംബിക്കും. അവന്‍ കണ്ണുരുട്ടി, 'അമ്മ!' എന്ന് പറയുന്നതുവരെ അവനെ ചുംബിക്കും. ഞാന്‍ നിന്നെ സ്‌നേഹിക്കുന്നു എന്റെ കുഞ്ഞേ, നീ വളരെ വേഗത്തില്‍ വളരുന്നു
നമ്മള്‍ എല്ലാകാലത്തും പരസ്പരം കൈകളില്‍ കെട്ടിപ്പിടിച്ച് കിടക്കണമെന്ന് ഞാന്‍ ആഗ്രഹിക്കുന്നു! ജന്മദിനാശംസകള്‍! അപ്പയും അമ്മയും നിന്നെ സ്‌നേഹിക്കുന്നു'-മേഘ്‌ന കുറിച്ചു
റയാന്‍ രാജ് സര്‍ജ എന്നാണ് കുഞ്ഞിന്റെ പേര്.കുഞ്ഞിന് ഒരു വയസ് തികയുന്നതിന് മുമ്പ് തന്നെ പേര് വിളിച്ചു.
ജൂനിയര്‍ ചീരുവെന്നാണ് കുഞ്ഞിനെ സ്‌നേഹത്തോടെ ആരാധകര്‍ വിളിക്കുന്നത്.
