Last Updated:
ചൊവ്വ, 19 നവം‌ബര്‍ 2019 (19:04 IST)
അഭിമുഖത്തില്‍ സ്റ്റാര്‍ സിംഗര്‍ താരമായ സന്നിധാനന്ദനെതിരെയും ശ്രീകുമാര്‍ ആരോപണമുന്നയിക്കുന്നുണ്ട്‍. ദാസേട്ടനെ എപ്പോഴും ഫോണില്‍ കിട്ടും. അതേസമയം സ്റ്റാര്‍ സിങ്ങറില്‍ നിന്നു വന്ന സന്നിദാനന്ദന്‍ എന്ന ഗായകനുമായി നമുക്കൊന്നു സംസാരിക്കണമെന്ന് തോന്നിയാല്‍ മൂന്ന് മാനേജര്‍മാര്‍ കഴിഞ്ഞേ പുള്ളിയെ കിട്ടൂ. അതാണ് പഴയ പാട്ടുകാരും പുതിയ പാട്ടുകാരും തമ്മിലുള്ള വ്യത്യാസമെന്നും ശ്രീകുമാര്‍ കുറ്റപ്പെടുത്തി.
പുതിയ പാട്ടുകാരില്‍ മുദ്ര പതിപ്പിക്കാന്‍ സാധിച്ചത് വളരെ കുറച്ചുപേര്‍ക്കുമാത്രമാണ്. രാഹുല്‍ നമ്പ്യാര്‍, നജിം അര്‍ഷാദ് എന്നിവര്‍ മാത്രമേ തന്റെ ഓര്‍മയില്‍ വരുന്നുള്ളെന്നും മറ്റുള്ളവര്‍ പാടിപ്പോകുന്നതല്ലാതെ മറ്റുള്ളവരുടെ മനസില്‍ ആഴത്തില്‍ പതിയാന്‍ കഴിഞ്ഞിട്ടില്ലെന്നും ശ്രീകുമാര്‍ പറഞ്ഞു.
റിയാലിറ്റിഷോകളാണ് ഇതിന് കാരണമെന്ന വാദവും ശ്രീകുമാര്‍ തള്ളിക്കളഞ്ഞു. മുതിര്‍ന്ന ഗായകരേക്കാള്‍, വിദേശ രാജ്യങ്ങളിലുള്‍പ്പെടെ മികച്ച അവസരമാണ് ഷോയിലെ വിജയികള്‍ക്ക് കിട്ടുന്നത്. പുതിയ ഗായകര്‍ തന്റെ അവസരം കുറച്ചിട്ടുണ്ടോ എന്ന കാര്യത്തെക്കുറിച്ച് ആലോചിച്ച് ടെന്‍ഷന്‍ ഇല്ലെന്നും ശ്രീകുമാര്‍ വ്യക്തമാക്കി.
