രജനിക്കൊപ്പം മോഹന്‍ലാലും എത്തുന്നതോടെ ജയിലറിന്റെ റിലീസിനായി മലയാളി പ്രേക്ഷകരും കാത്തിരിക്കുകയാണ്. റിലീസ് തീയതി പ്രഖ്യാപിച്ചുകൊണ്ട് പുറത്തുവന്ന വീഡിയോയാണ് സോഷ്യല്‍ മീഡിയയില്‍ തരംഗമായി മാറുന്നത്. ഓഗസ്റ്റ് 10ന് ലോകമെമ്പാടുമുള്ള തിയേറ്ററുകളില്‍ ചിത്രം എത്തും.

വിന്റേജ് ലുക്കിലാണ് മോഹന്‍ലാല്‍ ചിത്രത്തില്‍ പ്രത്യക്ഷപ്പെടുന്നത്. ടീസറില്‍ മാസായി നടന്നുവരുന്ന ലാലിനെയാണ് കാണിച്ചത്. സിനിമയിലുള്ള ഒട്ടുമിക്ക പ്രധാന താരങ്ങളെയും അനൗണ്‍സ്‌മെന്റ് വീഡിയോയില്‍ കാണിക്കുന്നു.

നെല്‍സണ്‍ ദിലീപ് കുമാര്‍ സംവിധാനം ചെയ്യുന്ന ചിത്രത്തില്‍ മോഹന്‍ലാല്‍,പ്രിയങ്ക മോഹന്‍, ശിവ രാജ്കുമാര്‍, രമ്യാ കൃഷ്ണന്‍, യോഗി ബാബു, വസന്ത് രവി, വിനായകന്‍ തുടങ്ങി വന്‍ താരനിര അണിനിരക്കുന്ന ചിത്രത്തില്‍ ജയിലര്‍ മുത്തുവേല്‍ പാണ്ഡ്യന്റെ വേഷത്തിലാണ് രജനികാന്ത് എത്തുന്നത്.