ബോധതീരങ്ങളില്‍ കാലം മിടിക്കുമ്പോള്‍

ബി ഗിരീഷ്

ബോധതീരങ്ങളില്‍ കാലം മിടിക്കുമ്പോള്‍
PROPRO
പൂര്‍ണ്ണമായും ഒരു ‘യന്ത്ര നിയന്ത്രിത വിനോദമാധ്യമം’ എന്ന നിലയില്‍ സിനിമയുടെ സാങ്കേതികത്വങ്ങളുടെ ഗുണാര്‍ത്ഥം തേടിയുള്ള ഗൗരവതരമായ അന്വേഷണങ്ങള്‍ മലയാളത്തില്‍ വിരളമാണ്‌. ക്യാമറയിലൂടെ ചെയ്യുന്ന വെറും യാന്ത്രിക പ്രവൃത്തി എന്ന നിലയില്‍ ഒരു ‘ടെക്‌നിക്കല്‍ എന്റര്‍ടൈനര്‍ ’ ആയി സിനിമ ഇനിയും മലയാളത്തില്‍ അംഗീകരിക്കപ്പെട്ടിട്ടില്ല. അതുകൊണ്ട്‌ തന്നെ ക്യാമറ കാഴ്‌ചകള്‍ക്കുള്ള വ്യാകരണമോ കാഴ്‌ചാശീലമോ മലയാളി പ്രേക്ഷകരെ വ്യാകുലപ്പെടുത്താറുമില്ല.

ഈ പരിമിതി നികത്താനുള്ള അന്വേഷണമാണ്‌ എ ചന്ദ്രശേഖര്‍ നടത്തുന്നത്‌. സിനിമ വായനക്കാരെ തൃപ്‌തിപ്പെടുത്താനുള്ള എളുപ്പ വഴി ഉപേക്ഷിച്ച്‌ സാഹസിമായി സഞ്ചരിക്കാനുളള ശ്രമം. കുഴപ്പം പിടിച്ച ഗണിതപ്രശ്‌നങ്ങള്‍ നിര്‍ദ്ധാരണം ചെയ്യുന്ന കുട്ടിയുടെ സ്വകാര്യ ആനന്ദമല്ല ഈ പുസ്‌തക രചനക്ക്‌ പിന്നിലുള്ളതെന്ന്‌ പത്ത്‌ അധ്യായങ്ങളിലൂടെയും കടന്നു പോകുമ്പോള്‍ വ്യക്തമാകുന്നു. കുഴപ്പം പിടിച്ച പ്രശ്‌നത്തെ പരമാവധി ലഘൂകരിച്ച്‌, സാധാരണവായനക്കാരനെ മുന്നില്‍ കണ്ടാണ്‌ ചന്ദ്രശേഖര്‍ വിഷയത്തെ സമീപിച്ചിരിക്കുന്നത്‌.

സാഹിത്യത്തിലെ കാലത്തെ കുറിച്ചുള്ള പഠനം ധാരാളം നടന്നിട്ടുണ്ട്‌. പടിഞ്ഞാറന്‍ രാജ്യങ്ങളിലാകാട്ടെ സിനിമയിലെ സമയ വിനിയോഗം സംബന്ധിച്ച്‌ ചൂടുള്ള ചര്‍ച്ചകള്‍ നടന്നു വരുന്നു. മലയാള സിനിമകളെ അധികരിച്ച്‌ സമയ/കാല ഘടനയെ കുറിച്ച്‌ ചിന്തിക്കുന്നതാണ്‌ പുസ്‌തകത്തിന്‍റെ മൗലികത. ലോക സിനിമയില്‍ ഹെന്റി ബര്‍ഗ്‌സണും മാര്‍ട്ടിന്‍ ഹെയ്‌ഡറും ആന്ദ്ര തര്‍ക്കോസ്‌കിയും ഗോദ്ദാര്‍ദും ജോണ്‍ ബക്തുലും ഗ്രിഗറി ക്യൂറിയുമെല്ലാം മുന്നോട്ടു വയ്‌ക്കുന്ന കാലസങ്കേതങ്ങള്‍ മലയാള സിനിമയില്‍ പരീക്ഷിച്ച്‌ നോക്കുകയാണ്‌ ഗ്രന്ഥകാരന്‍.

WEBDUNIA|
മലയാളത്തിലെ മുഖ്യധാര സിനിമകളില്‍ ഇത്തരം പരീക്ഷണം നടത്തുന്നത്‌ സമയം കളയലാണെങ്കിലും ടി വി ചന്ദ്രന്‍ ചിത്രങ്ങളിലെ ഇത്തരം അന്വേഷണങ്ങളിലൂടെ കൗതുകകരമായ ഒട്ടേറെ നിരീക്ഷണങ്ങള്‍ ഗ്രന്ഥകാരന്‍ മുന്നോട്ട്‌ വയ്‌ക്കുന്നു. പരസ്‌പരം കലഹിക്കുന്ന കാലസങ്കേതങ്ങളെ ഔചിത്യ പൂര്‍വ്വം പുസ്‌തകം പരിചയപ്പെടുത്തുന്നു.


ഇതിനെക്കുറിച്ച് കൂടുതല്‍ വായിക്കുക :