പെയിന്‍റിംഗിനോടൊപ്പം പുസ്തക രചനയിലും അവര്‍ തന്‍റെ കഴിവ് തെളിയിച്ചു. ഇതിനകം ഇരുപതിലധികം പുസ്തകങ്ങള്‍ മമത പ്രസിദ്ധീകരിച്ച് കഴിഞ്ഞു. മദര്‍ ലാന്‍ഡ്, സ്‌ട്രഗിള്‍ ഫോര്‍ എക്സിസ്‌റ്റന്‍സ്, സ്മൈല്‍, ഡാര്‍ക് ഹൊറൈസണ്‍ എന്നിവ അതില്‍ ചിലതു മാത്രമാണ്. പുസ്തകങ്ങള്‍ കൂടാതെ, അനവധി മാഗസിനുകളിലും അവര്‍ എഴുതാറുണ്ട്.
2009 ല്‍ ലോക്സഭ തെരഞ്ഞെടുപ്പ് പ്രഖ്യാപിച്ചപ്പോള്‍, സി പി എം ജനറല്‍ സെക്രട്ടറി പ്രകാശ് കാരാട്ട് പറഞ്ഞു, ബംഗാളില്‍ ഇത്തവണ കനത്ത വെല്ലുവിളിയാണ് പാര്‍ട്ടി നേരിടുന്നതെന്ന്. അതെ, ആ വെല്ലുവിളിക്ക് പിന്നില്‍ മമതാ ബാനര്ജി എന്ന ‘സാധാരണക്കാരുടെ രാഷ്‌ട്രീയ നേതാവ്‘ അവിടുത്തെ ജനഹൃദയങ്ങളില്‍ നേടിയ സ്ഥാനമായിരുന്നു.
