ബിഗ് ബോസ് മലയാളം സീസണ്‍ ഫൈവില്‍ അഖില്‍ മാരാര്‍ കഴിഞ്ഞാല്‍ ഉയര്‍ന്നു കേട്ട ഒരു പേരായിരുന്നു ശോഭയുടേത്. ആദ്യം മൂന്നില്‍ ഇടം നേടുമെന്ന് പ്രേക്ഷകരും കരുതിയ താരം. ശക്തമായ മത്സരാര്‍ത്ഥി ഒടുവില്‍ നാലാം സ്ഥാനത്തേക്ക് പിന്തള്ളപ്പെട്ടു. താന്‍ രണ്ടാം സ്ഥാനം പ്രതീക്ഷിച്ചിരുന്നുവെന്ന് ശോഭ തന്നെ തുറന്നു പറഞ്ഞിരിക്കുകയാണ്.

'രണ്ടാം സ്ഥാനം ഞാന്‍ പ്രതീക്ഷിച്ചിരുന്നു. പക്ഷേ ഈ അഞ്ച് പേരും, ഇവിടെ ഇരിക്കുന്ന 21 പേരും വിജയികളാണ്. ആദ്യ അഞ്ച് സ്ഥാനങ്ങളില്‍ വരാന്‍ കഴിഞ്ഞത് തന്നെ വലിയ അനുഗ്രഹമായി ഞാന്‍ കരുതുന്നു. ഞാനൊരു വിക്ടിം അല്ല, വിഷണറിയാണ്. ഇതെന്റെ പുതിയ തുടക്കമാണ്. ജീവിതത്തില്‍ ഇനിയും ഒരുപാട് മുന്‍പോട്ട് പോകാനുണ്ട്'-എന്നാണ് ശോഭ പറഞ്ഞത്.