1. വാര്‍ത്താലോകം
  2. വാര്‍ത്ത
  3. ട്രെന്‍ഡിംഗ് ന്യൂസ്
  4. Youth rescued from tiger's mouth viral video

കടുവയുടെ വായില്‍ നിന്ന് യുവാവ് രക്ഷപ്പെട്ടത് തലനാരിഴയ്ക്ക്; വൈറലായി വീഡിയോ

ശനിയാഴ്ച ഉച്ചയോടെയാണ് കടുവയിറങ്ങിയത്.

Tiger
കണ്ണുകൾക്ക് വിശ്വസിക്കാൻ പറ്റാത്ത ഒരു വീഡിയോയാണ് ഇപ്പോൾ സമൂഹമാധ്യമങ്ങളിൽ വൈറലായി കൊണ്ടിരിക്കുന്നത്. കടുവയുടെ വായിൽ നിന്ന് അത്ഭുതകരമായി യുവാവ് രക്ഷപെടുന്നത് എല്ലാവരെയും വിസ്‌മയിപ്പിക്കുകയാണ്. നിരവധിയാളുകളാണ് സമൂഹമാധ്യമങ്ങളിൽ ഈ വീഡിയോ ഷെയർ ചെയ്തിരിക്കുന്നത്.മഹാരാഷ്ട്രയിലെ ഭണ്ടാരാ ജില്ലയിലാണ് സംഭവം നടന്നത്.ബിനാകി ഗ്രാമത്തില്‍ ശനിയാഴ്ച ഉച്ചയോടെയാണ് കടുവയിറങ്ങിയത്. പുംസാര്‍-ബപേര ദേശീയപാതയില്‍ കടുവയെ കണ്ടെത്തിയെന്ന് പറഞ്ഞ് വനംവകുപ്പ് അധികൃതര്‍ക്ക് ഫോണ്‍ സന്ദേശമെത്തിയിരുന്നു.
 
ദേശീയപാതയില്‍ കടുവയെ കണ്ടതിനെ തുടര്‍ന്ന് ചുറ്റും ആളുകള്‍ തടിച്ചുകൂടി.കടുവയുടെ പിന്നാലെ നൂറുകണക്കിനാളുകള്‍ ഓടുന്നുണ്ടായിരുന്നു.  ഇതിലൊരാളാണ് കടുവയുടെ പിടിയിലകപ്പെട്ടത്. ഗ്രാമവാസികള്‍ ഓടിയെത്തുന്നത് കണ്ട് കടുവ ഇയാളെ ഉപേക്ഷിച്ച്‌ മടങ്ങുകയായിരുന്നു. കടുവയുടെ പിടിയിലകപ്പെട്ട ഇയാളുടെ പരിക്കുകള്‍ ഗുരുതരമല്ല. കടുവയെ മയക്കുവെടി വച്ച്‌ വീഴ്ത്താന്‍ ശ്രമങ്ങള്‍ തുടരുകയാണെന്ന് സംഭവസ്ഥലത്തെത്തിയ വനംവകുപ്പ് അധികൃതര്‍ വ്യക്തമാക്കി.
 
അടുത്ത ലേഖനം
എയർ ഇന്ത്യയുടെ നൂറു ശതമാനം ഓഹരിയും വിൽക്കും; താത്‌പര്യപത്രം ക്ഷണിച്ച് കേന്ദ്ര‌സർക്കാർ