അനുബന്ധ വാര്ത്തകള്
- പതിമൂന്ന് വയസുകാരിയെ പീഡിപ്പിക്കാന് ശ്രമം; അമ്മയുടെ സുഹൃത്ത് അറസ്റ്റില്
- ബിയർ നൽകിയില്ല, 24കാരൻ സ്ത്രീക്ക് നേരെ വെടിയുതിർത്തു, പിന്നീട് സംഭവിച്ചതിങ്ങനെ !
- സ്ത്രീധനം മാത്രം പോര, ബൈക്കും വേണം; ചോദിച്ചത് നൽകാത്തതിൽ കലി പൂണ്ട് യുവാവ് ഭാര്യയെ പെട്രോളൊഴിച്ച് കത്തിച്ചു
- കുഞ്ഞിന് നല്കാന് ആഹാരമോ വസ്ത്രമോ ഇല്ല, 5 കുട്ടികളുടെ അമ്മ നവജാതശിശുവിനെ ചവറ്റുകുട്ടയിലെറിഞ്ഞു
- കുട്ടികൾ പീഡനത്തിനിരയായാൽ അത് ഗൗരവതരം, എന്നാൽ വിവാഹിതരായ സ്ത്രീകളുടെ ആരോപണങ്ങളെ മുഖവിലക്കെടുക്കേണ്ട: വിവാദ പ്രസ്ഥാവനയുമായി ബിജെപി മന്ത്രി
‘പൂവൻകോഴിയായ ഫ്രാങ്കോ‘; വിവാദമായി അടിവസ്ത്രം- പുരസ്കാരം നൽകിയ കാർട്ടൂൺ പരിശോധിക്കുമെന്ന് മന്ത്രി ബാലന്
കന്യാസ്ത്രീയെ പീഡിപ്പിച്ച കേസിൽ പ്രതി ചേര്ക്കപ്പെട്ട ബിഷപ്പ് ഫ്രാങ്കോ മുളയ്ക്കലിനെ പുവന്കോഴിയായി ചിത്രീകരിച്ച കാർട്ടൂണിന് ലളിതകലാ അക്കാദമിയുടെ കാര്ട്ടൂണ് പുരസ്കാരം ലഭിച്ചിരുന്നു. എന്നാൽ, ഈ സംഭവം വിവാദമായതോടെ പുനഃപരിശോധന നടത്തുമെന്ന് അറിയിച്ചിരിക്കുകയാണ് സംസ്കാരിക മന്ത്രി എ.കെ ബാലന്.
ലളിതകലാ അക്കാദമി പുരസ്കാരം നേടിയ കാര്ട്ടൂണില് മതചിഹ്നങ്ങളെ അവഹേളിച്ചിട്ടുണ്ടോ എന്ന് പരിശോധിക്കുമെന്നും മന്ത്രി പറഞ്ഞു. മുഖ്യമന്ത്രിയെ കളിയാക്കി കൊണ്ടുള്ള കാര്ട്ടൂണിനാണ് കഴിഞ്ഞ വര്ഷത്തെ അവാര്ഡ് ലഭിച്ചതെന്നത് മറക്കരുതെന്നും അദ്ദേഹം പറഞ്ഞു. ആ അവാര്ഡ് നല്കിയത് മുഖ്യമന്ത്രിയും. ഇത്തരം സഹിഷ്ണുത കാണിക്കുന്ന സര്ക്കാരാണ് നിലവിലുള്ളതെന്നും മന്ത്രി പറഞ്ഞു.
ലളിതകലാ അക്കാദമി പുരസ്കാരം നേടിയ കാര്ട്ടൂണിനെതിരെ കെസിബിസി രംഗത്ത് വന്നിരുന്നു. അവാർഡ് നിർണയം പുനഃപരിശോധിക്കണമെന്നതായിരുന്നു ഇവരുടെ ആവശ്യം. ഫ്രാങ്കോയെ എങ്ങനെ വേണമെങ്കിലും കാണിച്ചോളു, അതിൽ പ്രശ്നമില്ല. പക്ഷേ മതചിഹ്നങ്ങളെ ഉപയോഗിക്കരുതായിരുന്നു എന്നാണ് സര്ക്കാര് വിലയിരുത്തലെന്ന് മന്ത്രി പറഞ്ഞു. അതിനാൽ പുരസ്കാരം രണ്ടാമതും നിർണയിക്കാനാണ് സാധ്യത.
കെ. കെ സുഭാഷിന്റെ ‘വിശ്വാസം രക്ഷതി’ എന്ന പേരിലെ കാര്ട്ടൂണാണ് സഭയെ ചൊടിപ്പിച്ചത്. പീഡനക്കേസില് പ്രതിയായ ജലന്തര് ബിഷപ്പ് ഫ്രാങ്കോ മുളയ്ക്കലിന്റെ കയ്യിലുള്ള മെത്രാന് സ്ഥാനീയ ചിത്രത്തില് അടിവസ്ത്രം ചേര്ത്തായിരുന്നു കാര്ട്ടൂണ് വരച്ചത്. പൂവന്കോഴിയായാണ് ഫ്രാങ്കോയെ ചിത്രീകരിച്ചിരിക്കുന്നത്.
