മലേഷ്യ ഗ്രാന്റ് പിക്സ് ബാഡ്മിന്റണ്‍ കിരീടം പി വി സിന്ധുവിന്
ക്വാലാലം‌പൂര്‍|
WEBDUNIA|
Last Modified ഞായര്‍, 5 മെയ് 2013 (14:36 IST)
PRO
മലേഷ്യ ഗ്രാന്റ് പിക്സ് ബാഡ്മിന്റണ്‍ കിരീടം ടോപ്പ് സീഡ് ഇന്ത്യയുടെ പി വി സിന്ധു സ്വന്തമാക്കി. പതിമൂന്നാം നമ്പര്‍ താരമായ സിന്ധു സിംഗപ്പുരിന്റെ ലോക ഇരുപത്തിയേഴാം നമ്പര്‍താരമായ ജുവാന്‍ ഗുവിനെ ഒന്നിനെതിരെ രണ്ട് സെറ്റുകള്‍ക്കാണ് കീഴടക്കിയത്. സ്കോര്‍നില- (21-17, 17-21, 21-19).
കന്നി ഗ്രാന്റ്പിക്സ് നേട്ടത്തില്‍ ഇന്ത്യന്‍ ബാഡ്മിന്റണ്‍ അസോസിയേഷനോടും കോച്ച് പുല്ലേല ഗോപിചന്ദിനോടും അകമഴിഞ്ഞ നന്ദിയുണ്ടെന്നും സന്തോഷം പറഞ്ഞറിയിക്കാന്‍ വാക്കുകളില്ലെന്നും കിരീട നേട്ടത്തിനു ശേഷം 17കാരിയായ ഹൈദരാബാദ് സ്വദേശിനി പ്രതികരിച്ചു.1,20,000 ഡോളറാണ് സമ്മാന തുക.
