ബയേണ് മ്യൂണിക്കിനും ബൊറൂസിയ ഡോര്‍ട്ട്മുണ്ടിനും നാളെ യുവേഫ ചാമ്പ്യന്സ് ലീഗ് കലാശപ്പോരാട്ടം. ലണ്ടനിലെ വെംബ്ലി സ്റ്റേഡിയത്തിലാണ് ജര്‍മന്‍ ടീമുകളുടെ ഫൈനല്‍ നടക്കുന്നത്. ചാമ്പ്യന്സ് ലീഗിന്റെ ചരിത്രത്തില്‍ നാലാം തവണയാണു ഒരേ രാജ്യത്തില്‍ നിന്നുള്ള ക്ലബുകള്‍ ഫൈനലിലെത്തുന്നത്‌.
ബയേണ് മ്യൂണിക്കു നാലു പ്രാവശ്യം യുവേഫ ചാമ്പ്യന്സ് ലീഗ് ചാമ്പ്യന്മാരായിട്ടുണ്ട്. ബൊറൂസിയ ഡോര്‍ട്ട്മുണ്ട ഒരു പ്രാവശ്യം ചാമ്പ്യന്മാരായിട്ടുണ്ട്. സെമിയില്‍ ബാഴ്സലോണയെ തകര്‍ത്ത്‌ ബയേണ് ഫൈനലിലെത്തിയപ്പോള്‍ ബൊറൂസിയയുടെ വീഴ്ത്തിയത് റയല്‍ മാഡ്രിഡിനെയാണ്‌.
