അനുബന്ധ വാര്ത്തകള്
- കെവിന്റെ മരണം: പൊലീസുകാർക്കെതിരെ കർശന നടപടി, തട്ടിക്കൊണ്ടുപോയ വിവരം മറച്ചുവെച്ചത് 14 മണിക്കൂർ
- കെവിന്റെ മരണം ഗുണ്ടാസംഘത്തിൽ നിന്ന് രക്ഷപ്പെടാന് ശ്രമിക്കുന്നതിനിടെ; അന്വേഷണ ഉദ്യോഗസ്ഥർ പറയുന്നത് ഇങ്ങനെ
- "തങ്ങളുടെ ജീവിതം കണ്ണാടിയില് കണ്ട അനുഭവമാണ് ഞാന് മേരിക്കുട്ടിയുടെ ട്രെയിലര് സമ്മാനിച്ചത്": അഞ്ജലി അമീര്
- കൊല്ലത്ത് വസ്ത്രം കഴുകുന്നതിനിടെ യുവാവ് ഇടിമിന്നലേറ്റ് മരിച്ചു
- വിവാഹാഭ്യർത്ഥന നിരസിച്ചു; യുവാവ് യുവതിയുടെ വീടിനു മുൻപിൽ സ്വയം വെടിയുതിർത്ത് ജീവനൊടുക്കി
ജീവിച്ചിരിക്കുന്നവരുടെ സങ്കടങ്ങളെക്കുറിച്ച് ആത്മഹത്യ ചെയ്തവര് അറിയുന്നുണ്ടോ?
മരണം എന്നത് ജീവിതത്തേക്കാള് വലിയ സത്യമാണെന്ന് ആരാണ് പറഞ്ഞത്? ആരുമാകട്ടെ. ഏറ്റവും വലിയ സത്യമാണ് മരണം. ജനിച്ചാല് ഒരു ദിവസം മരിക്കും. ആര്ക്കും അത് തടഞ്ഞുനിര്ത്താനാവില്ല. അത് സ്വാഭാവികമായ ഒരു പരിണാമം തന്നെയാണ്. എന്നാല് ആത്മഹത്യയോ?
ആത്മഹത്യ എല്ലാ പ്രശ്നങ്ങള്ക്കും ഒരു പരിഹാരമാണോ? കാമുകി മറ്റൊരാളുടെ കൂടെ ഓടിപ്പോയാല് ആത്മഹത്യ ചെയ്താല് മതിയോ? ആത്മഹത്യ ചെയ്താല് ഓടിപ്പോയ കാമുകി തിരിച്ചുവരുമോ? ആത്മഹത്യ ചെയ്താല് കടം തീരുമോ? കടമ തീരുമോ? ബന്ധുക്കളും സുഹൃത്തുക്കളും സന്തോഷകരമായ ജീവിതം നയിക്കുമോ?
ഇല്ല എന്നാണ് ഉത്തരം. ആത്മഹത്യ ഒന്നിനും പരിഹാരമല്ല. അത് കൂടുതല് പ്രശ്നങ്ങളുടെ തുടക്കമാണ്. ആത്മഹത്യ ചെയ്യുന്നവര്ക്ക് ഒരു നിമിഷം കൊണ്ട് എല്ലാം അവസാനിപ്പിച്ച് ഒളിച്ചോടാന് കഴിയുന്നു. അവരെ ചുറ്റി ജീവിച്ചിരിക്കുന്നവര് കൂടുതല് പ്രശ്നങ്ങളിലേക്ക് വീഴുന്നു. തനിക്കുചുറ്റും തന്നെ ആശ്രയിച്ച് ജീവിക്കുന്നവരെക്കുറിച്ച്, അവരുടെ സങ്കടങ്ങളെക്കുറിച്ച് ആലോചിച്ചാലോ? എല്ലാ പ്രശ്നങ്ങളും അവരുടെ മേല് കെട്ടിവച്ചിട്ട് ഒറ്റയ്ക്ക് രക്ഷപ്പെടുന്നതിനെക്കാള് വലിയ ഭീരുത്വമുണ്ടോ? ആത്മഹത്യ ചെയ്യുന്നവരെ ആരെങ്കിലും ബഹുമാനിക്കുമോ? സ്നേഹിക്കുമോ? ഭീരു എന്ന് എല്ലാവരും പലവട്ടം മനസില് പറയുമെന്ന് തീര്ച്ച.
ജീവിക്കുമ്പോള് ധൈര്യമായി ജീവിക്കുക. എല്ലാ പ്രതിസന്ധികളെയും മറികടന്ന് മുന്നേറാന് കഴിയുമെന്ന് കരുതുക. സങ്കീര്ണമായ പ്രശ്നങ്ങളെല്ലാം കടന്നുപോകുമെന്നും കൂടുതല് തെളിച്ചമുള്ള പ്രഭാതങ്ങള് പുലരുമെന്നും വിശ്വസിക്കുക. ജീവിതത്തിലെ റെഡ് സിഗ്നലിന് അധിക ആയുസില്ലെന്നും ഗ്രീന് സിഗ്നല് വരുമെന്നും സുഗമമായി മുന്നോട്ടുപോകാന് കഴിയുമെന്നും കരുതുക.
