അനുബന്ധ വാര്ത്തകള്
- എല്ലാം മനസാണ്: ഇന്ന് ലോക മാനസികാരോഗ്യ ദിനം
- 13-ാം വിവാഹ വാര്ഷികം, ഭാര്യയെ കുറിച്ച് ഷാന് റഹ്മാന്, കുടുംബചിത്രം
- ഉത്തര്പ്രദേശില് എന്ജിനീയറിങ് വിദ്യാര്ത്ഥിനിയെ തട്ടിക്കൊണ്ടുപോയി കാറിനുള്ളില് കൂട്ടബലാല്സംഗത്തിന് ഇരയാക്കി
- പത്തനംതിട്ടയില് പേവിഷബാധയെ തുടര്ന്ന് പശു ചത്തു
- സംസ്ഥാനത്ത് ഇന്ന് ശക്തമായ മഴയ്ക്ക് സാധ്യത; രണ്ടു ജില്ലകളില് യെല്ലോ അലര്ട്ട് പ്രഖ്യാപിച്ചു
ലോക മാനസികാരോഗ്യ ദിനം: മറ്റ് കുട്ടികളുമായി താരതമ്യം ചെയ്തുള്ള സംസാരം കുട്ടികളെ മാനസികമായി തളര്ത്തും
മറ്റ് കുട്ടികളുമായി താരതമ്യം ചെയ്തുള്ള സംസാരം കുട്ടികളെ മാനസികമായി തളര്ത്തും. ഓരോരുത്തര്ക്കും അവരവരുടേതായ അഭിരുചികള് ഉണ്ട്. അത് തിരിച്ചറിയാനും പ്രോത്സാഹിപ്പിക്കാനുമാണ് മാതാപിതാക്കളും അധ്യാപകരും ശ്രദ്ധിക്കേണ്ടത്. പലപ്പോഴും കുട്ടികളെ മാനസികമായ പിരിമുറുക്കങ്ങളെ അഡ്രസ് ചെയ്യാന് മുതിര്ന്നവര്ക്ക് സാധിക്കാറില്ല. അതിന്റെ പരിണിത ഫലമായി കുട്ടികളുടെ ജീവന് തന്നെ നഷ്ടമാകുന്ന സാഹചര്യങ്ങളുണ്ട്.
വിദ്യാഭ്യാസ കാലത്തെ ഒറ്റപ്പെടല് കുട്ടികളെ മാനസികമായി വലിയ രീതിയില് തളര്ത്തിയേക്കാം. അത്തരം സാഹചര്യങ്ങള് സ്കൂളിലും വീട്ടിലും ഉണ്ടാകാതിരിക്കാന് മാതാപിതാക്കളും അധ്യാപകരും ശ്രദ്ധിക്കണം. ക്ലാസ് മുറികളില് ഏതെങ്കിലും വിദ്യാര്ഥി ഒറ്റപ്പെട്ട് വിഷാദ ഭാവത്തില് ഇരിക്കുന്നത് ശ്രദ്ധയില്പ്പെട്ടാല് അധ്യാപകര് ഇക്കാര്യം പ്രത്യേകം ശ്രദ്ധിക്കണം. അവര്ക്ക് ആവശ്യമായ കൗണ്സിലിങ് കൊടുത്ത് അവരെ സാധാരണ നിലയിലേക്ക് എത്തിക്കേണ്ടത് അധ്യാപകരുടെ കടമയാണ്.
പഠനത്തില് പിന്നോക്കം നില്ക്കുന്ന കുട്ടികളെ എപ്പോഴും കുറ്റപ്പെടുത്തുന്നത് മോശം പ്രവണതയാണ്. പഠനത്തില് പിന്നോക്കം നില്ക്കുന്നവരെ പ്രോത്സാഹിപ്പിക്കുകയാണ് മാതാപിതാക്കളും അധ്യാപകരും ചെയ്യേണ്ടത്. അല്ലാതെ തുടര്ച്ചയായി കുറ്റപ്പെടുത്തിയാല് അവരെ അത് മാനസികമായി തളര്ത്തും. കുട്ടികള്ക്ക് കൃത്യമായി ഉറക്കം കിട്ടുന്നുണ്ടെന്ന് ഉറപ്പ് വരുത്തുക. ചുരുങ്ങിയത് ഏഴ് മണിക്കൂര് എങ്കിലും രാത്രി തുടര്ച്ചയായി കുട്ടികള് ഉറങ്ങണം. ഉറക്കം തുടര്ച്ചയായി നഷ്ടപ്പെട്ടാല് അത് കുട്ടികളില് മാനസിക പിരിമുറുക്കം ഉണ്ടാക്കും.
